Qeqertarsuaq, Kommune Qeqertalik “Camp Q, Qeqertarsuaq 2021” ingerlatilerpaat Kalaallit Meerartaat suleqatigalugu.
Kalaallit Meerartaat 2014 aallartiffigalugu camps, tassa tammaarsimaarneq Kalaallit meerartaannut aasaanerani sammisassaqartitsineq ingerlattalersimavaat, maannamut Ittoqqortoomiuni aamma Qaanaami sammisassaqartitsisimallutik.
Maanna Qeqertarsuarmi Camp Q 2021 ingerlanneqassaaq 5. juuli aallartiffigalugu sapaatip akunneri pingasuni, Kommune Qeqertalik Qeqertarsuaq Kalaallit Meerartaat suleqatigiillutik nunanit tamalaaniit kajumissutsiminnik suliaqartut 17-nit Qeqertarsuarmi sammisaqartitsissapput.
Sammisaqartitsinermi Panduruminngaanneersut assassugassat atorlugit sammisaqartitsisoqassaaq, nunanit tamalaaniit tikittut pinnguaatigisartagaat, tikittullu piginnaasaat aallaavigalugit sammisassaqartitsinerit ingerlanneqassapput.
Sammisaqartitsineq meeqqanut, inuusuttunut aamma ilaatigut innuttaasut akuutinneqarneratigut ingerlanneqassaaq. Sammisaqartitsineq meeqqanut timikkut ineriartuutaasumik, assassorluni suliaqarnermi, nipilersornermi pinngorartitsinermi, oqaatsit, meeqqanut ineriartuutigisinnaasaannik namminiullutik aamma allanik inoqatiminnik peqateqarsinnaanerannik, piorsarsimassutsikkut misilittagariligassanut aamma ilisimasareqatigiilerneq ukiut apeqqutaatinnagit sammisaqarnermi angusassat ilagivaat. Taamaalilluni Qeqertarsuarmi meeqqat, inersimasut, utoqqaat innuttaasut, suliffeqarfiit isumassarsiorsinnaallutik sammisaqartitsineq aallaavigalugu.
