Qeqertarsuarmi atuarfimmi alloriarfiit tamarmik kiisalu Majoriami ilinniartut peqataaffigisaannik ingerlanneqartumi ilinniagaqarlertarneq pillugu paasisitsiniaasoqarmat, aaqqissuussineq iluatsilluarpoq. Paasisitsiniaanermi suliffeqarfiit tallimat ilaatinneqarput.
Ukioq manna ilinniagaqalertarneq pillugu paasititsiniaanermi aaqqissuussineq meeqqat nukarlerniit angajulliit angullugit, kiisalu Majoriami ilinniartut peqataatinneqarneranni aaqqissuussinerit siullersaraat. Naatsorsuutigineqarporlu ukiut tamaasa aaqqissuussinerit taamattut ingerlanneqartalissasut.
"Ilinniagaqalertarnermut tunngatillugu aaqqissuussinitsinni pingaarnerpaatinnikuuagut, meeqqat atuarfianiit aninermi toqqaannartumik ilinniaqqiffittut toqqarneqartartut nalinginnaanerusut peqataatinnissaat, isumaqarpunga aaqqissuussinerput tamarmi iluatsilluartoq" -Taama oqaaseqarpoq aaqqissuusseqataasoq Majoriami aqutsisoq Ajannguaq Grønvold.
Ukioq manna Ilinniagaqalertarneq pillugu paasisitsiniaanermi suliffeqarfiit peqataasut ukuupput: Sanasoq Felix, Royal Greenland, Meeqqerivik, Majoriaq, GUX-Aasiaat.
Suliassaqarfiit INUIT kiisalu INOQARFIK suleqatigiillutik aaqqissusseqatigiillutik suliaq ingerlappaat.
Suliassaqarfik INUIT & Suliassaqarfik INOQARFIK
Qeqertarsuaq, Kommune Qeqertalik.
