Qasigiannguit Katersortarfiata ammaanersiorneqarnerani arfininngorneq 17 oktober 2020. Qalersamik qiorsisuuvoq Peter Lyberth, kommunalbestyrelsimut ilaasortaq, Ataatsimiititaliaq TIMI TARNILU-mi Siulittaasoq Kristian Jeremiassen oqalugiarpoq.
Arnat pingasut Nunaqarfik Uumassusilimmiit Kalaallit qulliannik ikitsisuupput, 1700-kkut nalaannitut atisalersorsimallutik. Nerrivinni suliassaqarluni assigiinngitsunik, kaffe tii kaagillu sassaalliutigineqarput, meeqqanut milluartakkanik agguaasoqarluni.
Najukkami ataatsimiititaliaq immikkut nerrivilerlutik innuttaasunut paasissutissiipput.
Qasigiannguit katersortarfiani iluarsartuunneqarsimapput:
Kiassaateqarfik errorsisarfilerneqarpoq igalaalerneqarlunilu. Katersortarfiup silataata sinaakkutai taarserneqarput, katersortarfiup ilua tamarmi amerneqarpoq, igalaat tamarmik nutaanik taarserneqarput, qulliit qulaani taarserneqarput, qulaani matu taarserneqarpoq, cafeteriap igaffia nutaamik taarserneqarpoq natilialu linoliummilerlugu nutaamik, inersuup qilaava akisuanaveersaasersorneqarpoq, atisanut nivinngaavilersorneqarpoq, innarluutillit perusuersartarfeqalerput taarsersuisarfittalimmik, isaariaq qulleq innarluutilinnut iserfigeriaannanngorlugu sananeqarpoq.
Arnarulunnguaq Qujaukitsoq.
Pitsaaliuinermi siunnersorti
Timi Tarnilu, Qasigiannguit. Kommune Qeqertalik.
