Kommune Qeqertalik pilersinneqarmat aaqqissuussaaneq nutaaq atuutilermat kommunalbestyrelsi ataatsimiititalianik ataavartunik pilersitsivoq:
• Ataatsimiititaliaq INUA
• Ataatsimiititaliaq INOQARFIK
• Ataatsimiititaliaq TIMI TARNILU
• Ataatsimiititaliaq INUIT
Ataatsimiititaliami ilaasortat ukiumut ataasiarlutik Illoqarfinnut nunaqarfinnut angalasarput paasissarsioriarlutik.
Ataatsimiititaliaq INOQARFIK-mi ilaasortat:
Siulittaasoq: Hans Aronsen (IA), Siulittaasup tullia: Niels Kristensen (IA), Bia A. Broberg (IA), Timooq Mølgaard (S), Ole I. Frederiksen (S)
Ataatsimiititaliap angalanermini inoqarfinni tikitaminni piniarnermut aalisarnermut peqatigiiffiit, Royal Greenlandip immikkoortortaqarfii ataatsimeeqatigivaat.
Piniarnermut aalisarnermut peqatigiiffiit ataatsimeeqatigineranni eqqartorneqarput aalisartut piniartullu atukkaminnik inissisimaffii, aalisakkat pisariniarneri ajornarsisimapput, aalisartut piniartut allannik aningaasarsiornissaminnut periarfissanut ammapput kissaatigalugulu tunisassanik allanik periarfissarsiortoqassasoq.
Ataatsimiititaliap Kangaatsiami ataatsimiinneranni kommunip atorfilittaanit
Nuna tamakkerlugu eqqakkanik pilersaarut malillugu kommunimi eqqakkat suliarineqartarnerat pillugu saqqummiiffigineqarput.
Ikerasaarsummi illut akornganni eqqaavissuaasimasoq maanna imaarneqarsimalerpoq. Nutaamillu atserivittaaq atulersimasoq takusat ilagivaat.
Ikerasaarsummi eqqaavissuaq 19. Juuni 2020 imatut isikkoqarpoq.
Ikerasaarsummi atserivittaaq
Ikerasaarsummi eqqaavissuaq imaarneqarsimalerluni isikkua septemberip aallartinnerani
Ataatsimiititaliaq TIMI TARNILU-mi ilaasortat:
Siulittaasoq: Kristian Jeremiassen (IA), Ataatsimiititaliami sinniisoq: Ole I. Frederiksen (S) Peter Olsen (IA), Kristian Broberg (S)
Ataatsimiitsitaliaq Timi Tarnilu 7-8 September 2020 Kitsissuarsuit, Akunnaaq aamma Aasiaat paasisassarsiorfigalugit angalavoq. Angalanermi ataatsimiitsitaliap ataani susassaqarfiit assigiinngitsut soorlu: sunngiffimmi sammisassaqartitsineq, pitsaaliuineq, katersortarfiit aamma atuakkanik atorniartarfiit paasisassarsiorfigineqarput.
Ataatsimiititaliaq TIMI TARNILU-mi ilaasortat Kitsissuarsunni paasissassarsiornerannit.
Talerperlermiit: Ataatsimiititaliaq TIMI TARNILU-mi ilaasortaq Peter Olsen, Siulittaasoq: Kristian Jeremiassen, Ataatsimiititaliami sinniisoq: Ole I. Frederiksen, Ole Reimerip atuarfiani pisortaq: Sara Abelsen, Ataatsimiititaliami ilaasortaq: Kristian Broberg.
Ataatsimiititaliaq TIMI TARNILU Aasianni Fritidsklubben Igdlo pulaarpaat.
Aasianni Atuakkanik Atorniartarfik pulaarneqartut ilagivaat aamma.