Ataasinngorneq 28. September 2020 Aasianni NPK-mut ilaasortat aqqusinikkut ingerlaaqatigiillutik borgmester Ane Hansen-imut oqariartuutitik annguppaat, borgmesterip neriorsuineratut Persorsaasut kattuffianni ilaasortat oqariartuutaat kommunip nittartagaanut ikkunneqarpoq aamma partiinut tamanut mailikkut nassiunneqarluni.
Nunatsinni Perorsaasut Kattuffiani Aasianni Ilaasortat oqalugiaataat:
Ukiuni kingullerni akissarsiat qimerlooraanni takuneqarsinnaavoq llinniartitsisut akissarsiaat aammalu isumaginninnermi siunnersortit akissarsiaat peqqissaasut akissarsiaanniit appasinnerujussuusut perorsaasut akissarsiaat.
Tamanna ullutsinni inuuniarnermut naapertuutinngilaq. Allaammi atorfiit inuttassarsiuukkaluarlugit tinguneqarneq ajorput. Akissarsiatigut appasinnerpaaneq peqqutaanerulluni. Tassami perorsaasutut ilinnialeraagatta suliffik nuannaralugu qaffassartoqartarmat. Taamaattoq grundlønip aallartiffia takuneqaraagat paasineqartarpoq allaat ukiorpaalunni ilinniagaqaratik sulisimasuniit akissarsiakinnerusarlutik, uffalu.ukilut pingasut affarlu ilinniagaqareersimallutik.
Ullutsinnimi imak annertutigisumik perorsaasoq suliakkerneqarpoq allaat llinniartitsisut meeqqanut tunniussassaraluat soorlu kisitsit naqinnerit ilinniartitsissutaasussaagaluaq ulluunerani paaqqinnittarfinni tunniunneqartalernikuuvoq. Taavalu isumaginninnermi siunnersortit suliassaraluisa ilaat maani Qeqertaliup kommuneani tingoorarneqartalernikuupput makkua. Tassanngaannaq toqusoqarsimatillugu ikiuingasuartartutut suliaqartariaqarneq. Taamatullu ulloq unnuarlu suliffillit allaat sullitaq peqqissaasut suliassaraluanik suliarinnittariaqartarput. lisartakkanik tunioraanikkut imaluunniit napparsimappata paaqqutarinnittariaqarlutik.
Perorsaasutut ilinniagallit akissaatimikkut qaffasinnerusumik inissikkusullutik llinniartitsisutut
isumaginninnermi siunnersortitut ilinniaqqittoqartariaqartarpoq, imaluunniit saniatigut suliffimmik
aningaasatigut tapertaasussamik sulisariaqart arput . Tamannalu inummut peqqinnanngilaq arlalissuarnik sulialimmut. Ullutsinni uippakajaarnermik napparsimaleriasaartartut amerlasoorujussuupput. Ullorlu napparsimaffik ataasiinnarluunniit inuiaqatigiinnut akisoorujussuulluni.Tallimanngormat akerliussutsimik takutitsisoqarmat partiit oqaaseqartartuisa ilaat oqaaseqarmat paasivarput 400 kr ataallugu akissarsiagut qaaffaaffigineqarniartut, tamanna akuerinngilluinnarparput.
Meeqqerivinni Kommunet ingerlassaanni sulisut amerlassusissaat
§ 20 Meeqqat ataatsimoortut tamarmik § 11 immikkortoq 2 minnerpaammik sulisorissuaat perorsaasoq ataaseq. Tamannaluunniit meeqqeriveqarfiit ilaanni anguneqarsinnaaneq ajorpoq akissarsiat appasippallaarneri pissutaallutik. Aali inatsisartut inatsisiliaat timitalerneqarsinnaanngittoq tamakkiisumik. Qanoruna akissaatit igut pilerinarsarniarpisiuk perorsaasuuneq allanik akittuutinik ujarlinngikkaluarlusi.
Mittarfissualiorsinnaagussi angusinnaavarsi akissarsiagut malunnaatilimmik qaffannissaat.
