Saamerlermiik: Amalie Stjerne Ketels Atuartitsinermi immikkut ilisimasalik (Konsulent) Aasiaat, Benny Jensen Psykolog-iunerugallartoq (Fung. Ledende Psykolog) Aasiaat, Akisooq Sandgreen Atualerlaani siunnersorti (Rådgivningslærer for skolestart) Aasiaat, Sussi G. Petersen Atualerlaani siunnersorti (Rådgivningslærer for skolestart) Kangaatsiaq, Else Marie G. Brandt Immikkut atuartitsinermi siunnersorti (Rådgivningslærer for specialundervisning) Aasiaat, Karen Petersen Immikkut atuartitsinermi mikinerni siunnersort (Specialundervisnings rådgiver for yngste) Qasigiannguit. Nivikka Rosing, Atuarfeqarnermut ataqatigiissaarisoq.
Immikkut atuartitsinermi siunnersortit tallimat Aasianniit, Qeqertarsuarmiit, Qasigiannguaniit Kangaatsiamiit aamma siunnersortit marluk psygologerlu MISI Kommune Qeqertalimmiit, Atuarfeqarnermut ataqatigiissaarisoq peqatigalungu Aasianni seminareqatigiipput ullut 15-17 september 2020.
Seminarernermi siunertarineqarpoq Kommune Qeqertalimmi immikkut atuartitsinermi siunnersortit assigiinnerusumik suleriuseqalernissaat, assigiimmik ingerlatseriaaseqalernissaat, assigiimmik suliat aamma paasissutissat atuuttut paasisarnissaat anguniarneqarluni.
Seminarernermi aamma misilittakkanik avitseqatigiiffimmik oqalliffimmik pilersitsisoqarpoq, oqalliffimmi ilisimasanik, ilikkakkanik, suleriutsinik aamma eqqarsaatersuutit immikkut atuartitsinermi siunnersortitut sulinermi avitseqatigiiffissatut.
Siunnersueqatigiittarnerup iluaqutissartarivaa taamaallaat pineqanngimmata Atuarfimmi immikkut atuartitsinermi siunnersortit suleqatigiinnerat kisimi, pineqarlutilli Atuarfimmi immikkut atuartitsinermi siunnersortit aamma MISI Qeqertalik ataatsimut suleqatigiinnerat.
