Meeqqat isummersorfiat ataatsimeersuarmat Kommune Qeqertalimmiit peqataasut, oqariartuutitik Borgmester Ane Hansenimut tunniuppaat, ullormi Meeqqat pisinnaatitaaffiisa ukiunik 30-nngortorsiorfianni.
Novembarip 22-anni, 2019, Meeqqat pisinnaatitaaffiisa pilersinneqarneranniit ukiut 30-t qaangiupput. Ullorlu taanna Kommune Qeqertalimmi persuarsiorfiuvoq.
Ullormi tassani Kommune Qeqertalimmiit Meeqqat isummersorfianni peqataasup, Kasper Brandt Thomassenip, ataatsimeersuarnermi nalunaarut oqariartuutillu Kommune Qeqertaliup borgmesterianut tunniuppai.
Meeqqat nalunaarusiaminnik borgmesterimut tunniussipput.
21. november 2019
”Kissaatitta ilagaat meeqqat atuarfianni tamani inunnik isumaginninnermik suliaqartunik atorfinitsisoqarnissaa, kiisalu meeqqat tamarmik inunnik isumaginninneq pillugu ilinniartinneqartarnissaat. Taamaalillutik meeqqat amerlanerit ajunngitsumik inuuneqalersinnaammata” - Kasper oqalugiarami taama oqarpoq.
Kommune Qeqertalimmi borgmesterip, Ane Hansenip meeqqat nalunaarusiaq tunissutaat assut nuannaarutigai, meeqqallu isummersorluarsimanerannik nersualaarlugit.
”Qujanarujussuaq tunniussassinnut, taakku kommunalbestyrelsemi ilaasortanut tamanut apuutissavagut. Meeqqat oqariartuutaat pimoorutivillugit tusarnaartarpagut, aamma tusarnaartuassavagut. Uagummi nalusagut ilissi nalunngilasi, Meeqqat oqariartuutaat sulissutigalungit aallartereerpagut. ”- Taama oqaaseqarpoq borgmester Ane Hansen, Kommune Qeqertalik.
