Kommune Qeqertalimmi kommunalbestyrelsit najuullutik ukiumi matumani naggataamik ataatsimiinneranni Enok Sangreen ukiuni 30-ni politikeritut qinikkatut sulinermini nersornaaserneqarpoq Borgmester Ane Hansen-mit
Enok Sangreennip qiningaaffia siulleq pivoq 4. April 1989 Akunnaami partii Inuit Ataqatigiit tunuliaqutaralugu. Kommunalbestyrelsimut Bygderådimullu, Bygderådemi kingusinnerusukkut Nunaqarfimmi aqutsisunngortumut siulittaasutut aallartikkami ukiut 16-nit ataannartumik siulittaasuuffigisaminik saniatigullu Kommunalbestyrelsitut ingerlavigisamini ataatsimiititalianilu siulittaasutut aamma atuuffeqarsimalluni.
Enok Sandgreennip suleqataaffigisaani siulliuvoq 1990-ip aallartilaarnerani pisoq tassalu Bygderådet akisussaaffeqanngitsut atorunnaarsillugit Nunaqarfimmi Aqutsisutut taajuuteqalissasut tamannalu Nunaqarfimmiut Naalakkersuisullu ataatsimeersuarneranni Ilulissani pisumi akuersissutigineqarpoq.
1989-miit 2005 tikillugu Nunaqarfiit Kalaallit Nunaanni ineriartortinneqarnissaat oqaloqataaffigisimavaa, nuannaarutigisarlugulu sunniuteqaqataaffigisimangamigit illersortarsimaqalugillu. Kiisalu Kommuunit Kattuffianni Qiningaaffiit tulleriiaat Siulersuisunut ilaasortaasarsimavoq, naggataatigullu ukiut marluk 2009-miit 2011-mut siulittaasutut atuuffigalugu.
2005-miik 2008-p naaneranut Aasiaat Kommuuniat naggaataarlugu Borgmesteritut sulivoq Siumut tunuliaqutaralugu. Tassani
suliassaq annertooq unamminartorlu suleqataaffigisimavaa, taamani Aasiaat nunatsinni suliffissaaleqiffiusunut ilaavoq. Taamani Kommuunimi sulisut ataasiarlutik kingusinaarlutik akissarsipput aningaasaqarneq kommunimi ajoruttormat. Kommunalbestyrelse suliffiit pinngorartinnissaat suliniuteqarfigalungu aallartippoq nukippassuit atorlugit Fabrik nutaamik aallartippoq, Pilersuisoq pilersippoq taakku annerusut Enok Sangreennip Aasianni borgmesteriunermi nalaani suliffiit allamut nuunneqartussaagalugit Aasianni uninngatinnissaat kommunalbestyrelsi suleqataaffigai. Enok Inuiaqatigiinnullu sunniuteqarluartunik allanik aamma suleqataaffippassuaqarpoq.
Enok Sandgreen ilaqutaalu pilluaqqungaarpagut Kommune Qeqertalimmit.
