Pingasunngorneq 24. oktober 2019 qatserisartoq Andreas Frederiksen ukiuni 25-ni Iginniarfimmi qatserisartoq Ataqqinartorsuup Dronning Margrethep aappaata nersornaasiuttagaanik Fortjenestmedalje-mik sølviusumik saqqarmiulerneqarluni nersornaaserneqarpoq.
Saqqarmiuliisuuvoq kommunalbestyrelsimut ilaasortaq Ole I. Frederiksen peqatigalugu Kommune Qeqertalimmi qatserisartut Kangaatsiami nunaqarfinnilu upalungaarsimanermut pisortaasoq Søren Brønlund.
Andreas Frederiksen ilaqutaalu Kommune Qeqertalimmit pilluaqqungaarpagut.
