Kommune Qeqertalimmi borgmesteri, Ane Hansen, issittumi borgmesterit suleqatigiiffittaavanik taaguutilimmik Arctic Mayors Forum, pilersitseqataalluni atsioqataavoq.
Atsioqatigiinneq Akureyrimi Islandimiittumi ingerlanneqarpoq, anguniagassallu ilagaat, issittumi borgmesterit ataatsimoorfeqarnissaat, taamaalillutik nipi nukittunerusoq ataatsimoorlutik oqariartuutigisinnaammassuk, aamma apeqqutit annertuut nunat tamalaat akornanni sammisanut tunngasut pineqaraangata.
- ”Siunissaq eqqarsaatigalugu ataatsimoorfik tamanna iluaqutaassaqaaq, kommunitut innuttamigut inukitsutut killeqarfiit akimorlugit suleqatigiinnissaq pisariaqarsinnaasarmat” -Taama oqaaseqarpoq Borgmester Ane Hansen, Kommune Qeqertalik.
Nunat makku ilaatigut Arctic Mayors Forum pilersinneqarneranut atsiortitaqarput, Island, Norge, Finland, Rusland aamma Savalimmiut. Kommuneqarfik Sermersuumi borgmesteri, Charlotte Ludvigsen, aamma atsioqataavoq.
