"Siunissaq ungasissoq eqqarsaatigineqarli aningaasarsiornikkut periarfissanik nutaanik ammaassisussaammat.
Qasigiannguit Aasiaallu akornanni erngup nukiganik nukissiuutiliornissaq Kommune Qeqertalimmi siunissami inuutissarsiornikkut inerisaanermi periarfissanik nutaanik ammaassaaq,
taanna pillugu Inatsisartuni ilaasortap Inuit Ataqatigiinneersup Aqqa Samuelsen-ip siunnersuutaata piviusunngortinneqarnissaa taperserujussuarparput.
Siunnersuummut Naalakkersuisut itigartitsinerminnut oqaatigisaat Qasigiannguit Aasiaallu akornanni ernugup nukissiorfiliornermi taamaallaat Aasianni Qasigiannguanilu pisortat suliffeqarfiutaat iluaquserneqassasut oqaatigineqarnera pakatsinarpoq.
Naalakkersuisut periarfissanik nutaanik ineriartortiserusunnginnerannut ersiutitut taarusunnarnerulluni. Nipip taassuma Naalakkersuisuni suujunnaarsinnissaa nukissiuuteqarnermut Naalakkersuisunngorlaap Jess Svane-ip sulissutiginilluassagaa neriutigaara.
Erngup nukiganik Qasigiannguit eqqaani nukissiorfeqalernerup suliffeqarfinnik nutaanik nunatta avataanersunik pilersitsinissat qaninnerulersissavai, qarasaasiat pillugit suliffeqarfippassuit nunatsinni suliffimmik ammaassisinnaalernissaannut aqqutissiuissaaq taamaasillutalu nunarsuarmi suliffeqarfinnik nutaaliorfissaqqissutut immitsinnut nittarsaassinnaalissalluta.
Taamaalilluni Kommune Qeqertalimmi inuussutissarsiornikkut nutaaliornissamut periarfissanik ammaassisoqassaaq."- Taama oqaaseqarpoq Borgmester Ane Hansen, Kommune Qeqertalik