Kommune Qeqertalimmi Kommunalbestyrelsit naliginnaasumik aappassaanik ataatsimiinneranni Sisamanngorneq 28. Marts 2019. Aasianni angerlarsimaffeqanngitsut unnuisarfissaanik pilersitsinissamik siunnersuutigineqartoq partiinit tamanit akuerineqarpoq.
Aasianni inuit nalunaarsorsimanerat malillugu Aasianni Angerlarsimaffeqanngitsut katillugit 24-viupput ukioq manna 2019-mi.
Suliap aallartinnerani misissuinerit ingerlaneranni paasinarsivoq Qasigiannguani Kangaatsiamilu angerlarsimaffeqanngitsutut nalunaarsorsimasoqartoq aamma.
Kommune Qeqertalimmi inunnut suliassaqarfimmut inissamik ikiorneqarnissartik pillugu saaffiginnittut amerliartortillugit unnuisarfinnut inissiigallartarnerit amerliartorsimapput.
Niels Kristensen aamma Aqqa Samuelsen Inuit ataqatigiinneersut siunnersuutigisartik akuerineqarmat nuannaarutigivaat. Aasianni illu tallimanik sinittarfilik qaammat qaangiuppoq angerlarsimaffeqanngitsut unnuisarfissaattut atulerneqarmat.
Aasianni angerlarsimaffeqanngitsut unnuisarfiannik pilersitsinermi angerlarsimaffeqanngitsut kommunimit ikiorneqarsinnaalernerat Borgmester Ane Hansen-imit iluarisimaarneqarpoq:
"Iluarisimaarpara oqiliallaatigivara ajornartorsiut tamanna isigiinnarnagu kommunitsinni iliuuseqarfigingatsigu. Arlaannik peqquteqarlutik angerlarsimaffeerussimasut naliginnaasumik angerlarsimaffeqarlutik inuuneqalernissaannut ikiorsiineruvoq alloriarnissamut pingaarutilik.
Kaammattorusunnarpoq kommunit allat aamma pisariaqartitsiviusumiittut malinnaassasut." – Borgmester, Ane Hansen oqaaseqarpoq.
Kommune Qeqertalik, Tusagassiivik.