Aasiaat Katersortarfianni Borgmesterip ukiumi nutaami ilassinninneranut qaaqqusat peqataapput: Kommunal bestyrelse-mi ilaasortat, Partiit sinnerlugit takkuttut, Aalisarnermut, Piniarnermut Nunalerinermullu Naalakkersuisoq: Nikkulaat Jeremiassen, Inuit Ataqatigiit siulittaasuat: Mùte B. Egede, Namminersorlutik inuussutissarsiutillit, suliffeqarfiit Kommune Qeqertalik-mi illoqarfinni tamani.
Ilasseqatigiinnermi Aasianni, Qeqertarsuarmi, Qasigiannguani, Kangaatsiamilu attaveqaat skype aqqutigalungu ilassinninneq persuarsiornartumik ingerlanneqarpoq.
Polar Seafood-mik piginnittut Henrik Leth (Sulisitsisut peqatigiiffianni aamma siulittaasoq, GE) Jens salling-ilu ilassinninnermi oqaaseqartinneqaramik aalisarnerup aningaasarsiornermi pissarsilluaatigineqarnissaa pillugu oqaaseqarput.
Borgmester Ane Hansen persuarsiornartumik ilassinninnermi ukioq ataaseq kommuunitut atuuffik, nutaamillu aaqqissuusseqqiffiusoq, innuttaasunut qaninnerulernermik sullissineq aningaasaqarnerlu pitsaasoq anguneqarsimalertut nuannaarutigalungu, qanimut suli suleqatigiinneq pitsaanerusoq anguniarlugu oqaaseqarpoq.
