KOMMUNIMUT PILERSAARUT SUNAAVA?
Kommunimut pilersaarut tassaavoq, pilersaarut atatitsisuullunilu aalajangiisuusoq, tassani innuttaasut suliffeqarfiillu, Kommune Qeqertalimmi nunaminertanik atuisinnaanernut, anguniakkanik malittarisassanillu sammivissiorfigisinnaasaat.
Pilersaarut Pilersaarusiornermut Inatsit naapertorlugu suliarineqarpoq. Pilersaarusiornermut Inatsisip siunertaraa, pilersaarusiamik eqikkaanerup nunaminertanik atuinermi, inuiaqatigiinni soqutigisat ataqatigiissaarneqarnissaat, qulakkiissallugu aammalu nunagisap qanoq ineriartortinneqarnissaanik pilersaarutit anguniakkallu, ersersissallugit.
KOMMUNE QEQERTALIUP QARASAASIAKKUT KOMMUNIMUT PILERSAARUSIAA 2018-30
Siunnersuut, kommunimut pilersaarummut atuutsinneqartumik, Qaasuitsup kommunimut pilersaarut 2014-26-mik, ilaannakortumik aaqqissuusseqqinneruvoq, soorlu Pilersaarusioriaaseq 2017-mi aalajangiunneqarsimasutut, aammattaaq kommunimut pilersaarutip ukiut sisamakkaartumik nutarterneqartarnissaanik pilersaarut, tunngavigalugu.
Kommunimut pilersaarummut siunnersuummi, ukiuni sisamani kingullerni allannguutit, kommunimut pilersaarummut tapiliussaq, aallaavigalugu suliarineqarsimasut ilanngunneqarput, taamasilluni pisunut malinnaasunngorlugu, paasissutissallu kingulliit ilanngunneqarlutik.
Kommunip pilersaarutaanik aaqqissuussineq una pingaarnertut avitsinermik aamma kommunip avinneqarnerata malitsigisaanik paasissutissanik nutarterinermik pilersaarusioriaatsimullu naapertuuttunngorsaanermik annerusumik iliuuseqarfiuvoq. Inatsisip nutaap assigisaasalu imaanik kinguneqaataasunik aamma naqqissuisoqarpoq kiisalu kommunalbestyrelsip aalajangigaanut naapertuuttumik nunaminertamik atuisinnaanermut qinnuteqaatit suliarineqartarnerinut akileeqqusisalernermik aalajangersakkat nutaat ilanngullugit allanneqarput, taakkualu kommunip akigititaanut qaqugukkulluunniit naapertuutissasut ilanngullugu allanneqarlutik.
Pilersaarutinik nutaanik, illoqarfiup ineriartorfissaanik nutaanik imaluunniit illoqarfiit sanaartorfiit imaluunniit sanaartornerit allat allannguuteqartitsineri annerusut kommunip pilersaarutaanut ilanngullugit allanneqanngillat. Pilersaarutip tunngavia atuuttoq annerusumik nutarterneqarpoq. Pilersaarusioriaatsimut aamma kommunip nutaap kommunimut pilersaarutaanik tamarmiusumik nutarterineq siunnersuummi pineqarput.
Kommune Qeqertalik-up kommunimut pilersaarutaani 2018-30-mi nutaami uani ineriartornermut pilersaarutit annerit imaluunniit qulequttat nutaat ilanngunneqanngillat.
KOMMUNIMUT PILERSAARUMMUT NUTAAMUT SIUNNERSUUT QARASAASIAKKUT UANI NASSAARINEQARSINNAAVOQ:
kommuneplania.qeqertalik.gl
Allannguutit eqikkarneri tamarmik allatami ’Hvidbogen’, takuneqarsinnaavoq aamma uani aaneqarsinnaavoq her:
kommuneplania.qeqertalik.gl/dk/vision_og_hovedstruktur/planredegoerelse/
kommuneplania.qeqertalik.gl/gl/takorluukkat_aamma_pingaarnertut_iluseq/pilersaarutip_nassuiaatitaa/
OQAASEQAATIT, NAQQIUTIT IMALUUNNIIT NAAMMAGITTAALLIUTIGINNINNERIT
Ulloq 30. november 2018 nallertinnagu
Uunga nassiunneqassapput: plan@qeqertalik.gl
NAAMMAGITTAALLIUTEQARNISSAMUT ILITSERSUUT
Kommunalbestyrelsip aalajangiineranut naammagittaalliuteqarniaraanni, naammagittaalliut uunga ingerlanneqassaaq:
NAALAKKERSUISUT
Aningaasaqarnermut Naalakkersuisoqarfik
Nuna tamakkerlugu pilersaarusiornermut immikkoortortaqarfik
Postboks 1037
3900 Nuuk
Naammagittaalliut, matuminnga nalunaarutiginninnermit kingusinnerpaamik sap.ak. 8-it qaangiutsinnagit, tunniunneqarsimassaaq.