Ammaanersiorneq Qasigiannguani Ivigaasaaqqanik Arsaattarfittaarniaqatigiit Kommune Qeqertalik suleqatigalugu ingerlappaa ulloq arfininngornerusoq 4. August 2018, - persuarsiornartumik nuannersorsuarmillu.
Qasigiannguani Ivigaasaaqqanik Arsaattarfittaaq Timooq –mik atserneqarneqarpoq. Qanga arsaattartuusimasoq Kugsak-45 –mi malunnaateqarluartuusimasoq Themothæus Frederiksen.
Ammaanersiornermilu ukua qalersamik qiorsisuusussatut aalajangiunneqarsimapput:
Akkajuk Vetterlain. Inuusuttuaqqaniit inersimasunut ikaarsaarfimmiittoq, arsarnerup silarsuaani neriunaateqarluartutut inissisimasuulersimasoq. Johannes (Juaansi) Frederiksen, Qasigiannguaniit Avannaaniit Nunatsinni Landshold-itut siullersaalluni aallartitaanikuusimasoq. Karl Hansen. Arsarnerup Kugsak-45 –ip silarsuaani illoqarfitsinniinnaanngitsoq malunniuteqarluarsuusimasoq.
Qiorsineq pereermat Nunaqarfik Uumassusilik-miit takutitsisoqarpoq
Ammaanersiornermut atatillugu meeqqanullu milluartakkanik arsaattarfittaarnialeqatigiinniit najoqqagassaqartitsisoqarpoq aammalu kissartunik inersimasunut najoqqagassaqartoqarpoq kaageqarlunilu, Kommune Qeqertalik-miit sassaalliutigineqartuniit.
Ammaanersiornermullu atatillugu kissassaasoqarpoq, Ilulissaniit Oldboys –it aammalu Qasigiannguaniit Oldboys-it imminnut unammiuaartinneqarmata.
