Kalaallit Nunaanni inatsisit tunngavigalugit ingerlatsineq ineriartupiloorpoq.
“Inatsisit maleruagassallu ulluinnatsinnik, aqutsisoqarfitsinnik inuiaqatigiinnillu aqutsippullusooq, taamaattumillu pingaaruteqarpoq maleruagassanik tamanut iluaqutaasussanik erseqqissaasinnaasunik ingerlatitseqqiisinnaasunillu inatsisileritooqarnissarput” -Anette Storgaard, immikkoortortaqarfimmi pisortaq
Pisortat pillugit inatsisilerinermi bachelorinngorniarneq inatsisitigut tamatigoortumik ilinniarfiuvoq nunatsinni inatsisilerineq sammineqarnerulluni, pisortat pillugit inatsisinut tunngasorpianik suliaqarlutit Namminersorlutik Oqartussani kommuniniluunniit inatsisilerituutut pisariaqartinneqartunik piginnaasaqalissutissanik.
Ilinniagaq faginik paasisimasalinnit malinnaavigineqassaaq ilinniakkannik naammassinnereeruit pitsaanerpaanik atugassaqarnissat qulakkeerniarlugu.
Ilinniarnerit tassaapput bachelorinngorniarneq (ukiut 3) kandidatinngorniarneq (ukiut 2).
Inatsisilerinermi Bachelorinngorniarluni ilinnialernissamut tunngaviusut piumasarineqartut – ilinniarnertuunngorniarnermi inaarutaasumik misilitsinnermi agguaqatigiisillugu karakteri C (7) saniatigut – uku piumasaqaatigineqarput:
| Fagi |
Qaffasissuseq |
Karakter |
| Danskisut |
A |
C (7) (karaktererit tamaasa agguaqatigiisillugit) |
| Kalaallisut |
A |
C (7) (karaktererit tamaasa agguaqatigiisillugit) |
| Tuluttut |
B |
D (4) (karaktererit tamaasa agguaqatigiisillugit) |
Qinnuteqartoq immikkut sulianut tunngasutigut piginnaasaqarpat, ilinnialernissamut piumasarineqartut saniatigut allat toqqammavigalugit, ilinnialerusuttut Ilisimatusarfiup akuerisinnaavai, – ilaatigut oqaloqatigiinnikkut – takuneqarpat qinnuteqartoq ilinniagaq naammassisinnaagaa.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.
nalunaarfigineqassaatit akuerisaasimanerlutit imaluunniit akuerisaasimannginnerlutit.
Eqqaamallugu ilumut ilinnialerniarlutit nalunaarutigissagakku.
Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.
Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.
Ilinniarnermik aallartiffik
Ilinniagaq ingerlaavartumik 1 septembari
Neqeroortoq
Ilimmarfik
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Suliffimmik misiliinermi pissutsit
Suliffimmik misiliissanngilatit
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 6 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat / Suliffiusinnaasut
Pisortat inatsisaannik inatsisilerituunngoruit ilisimatusarfimmi fuldmægtigitut imaluunniit Namminersorlutik Oqartussani kommuniniluunniit siunnersortitut atorfinissinnaavutit.
Aamma qularnanngilaq suliffeqarfinnit pisortanit pigineqartunit soqutigineqassasutit.
Kandidatinngorniarlutit masterinngorniarlutilluunnit ilinniaqqinnissamut periarfissaqarsinnaavutit.
Ilinniarnermik aaqqissuussineq
https://da.uni.gl/media/33kjn0r1/bacheloruddannelse-jura-2021.pdf
Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut:
studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.