Issittumi Sanaartorneq Attaveqaatersuutillu - diplomingeniør

Issittumi Sanaartorneq Attaveqaatersuutillu tassaapput diplomingeniørinngornissamut aqqutissaq ilinnut issittumi sakkortoqisumi ingeniøritut sulerusuttumut tulluartoq. Kalaallit Nunaat issittorlu ineriartupiloorput. Illut aqqutissallu sananeqassapput, imeq nukillu nassaarineqassapput, imikoq eqqagassallu peerneqassapput pinngortitallu pissarititarpassui atorluarnerisigut inuiaqatigiinni aningaasaqarnikkut tunngavissaqartitsisoqassalluni.

Suut ilikkassavigit?
Issittumi Sanaartornermi Attaveqaatersuutinilu silaannaap, pinngortitap kulturillu pissusaat ilikkassavatit, taakkumi issittumi sulissagaanni ilisimaqqissaassallugit pisariaqarput.
Taassuma saniatigut ilinniarnermi ingeniøritut sanaartornermi, nukissiuutilerinermi, illup iluani silaannarmi, avatangiisilerinermi pilersaarusiornermilu piginnaasarisassat tamaasa pissarsiarissavatit, taamaalillutit issittumut tulluarsakkanik sanaartornermik, inuiaqatigiinni avinngarusimasuni attaveqaatersuutilerinermik, pinngortitami sunnertiasumi avatangiisinik qulakkeerinninnermik, erngup nukinganik nukissiorfiliornernik aatsitassarsiornernillu suliaqarsinnaalissallutit.
Issittumik avatangiiseqarlutit misissuisinnaaneq ajornartorsiutillu aalajangersimasut misissoqqissaarnissaat ilikkassavatit kiisalu teknologi illersorneqarsinnaasoq ataavartorlu aaqqiissutissatut nassaarisinnaalissallugu.

Ilinniakkat ilusilersugaanera
Issittumi Sanaartornermi Attaveqaatersuutinilu diplomingeniørinngorniarneq ukiunik sisamanik sivisussuseqarpoq.

Ilinniagaq ilaannakortumik nunatsinni ingerlanneqassaaq, atuartitsineq nunatta pinngortitaani annerusumik sulinerussalluni. Kalaallit Nunaanni nunatta illoqarfiisa annersaata tulliani Sisimiuni DTU - Campus-imi ilinniassaatit, qaasuitsup killeqarfianit avammut 50 km-inik ungasitsigisumi. Maani najugaqartunik immikkut ilisimasalinnik ilisimatusartunillu DTU-meersunik atuartinneqartassaatit, atuartitsinerlu issittumi najukkami assersuutit aallaavigineqartassallutik.

Ilinniarnermi Danmarkimi ingerlanneqartussami, Balleruppimi DTU’p campussiani pingaarnertut ilinniassaatit. Tassani ilinniakkami Sanaartorneq Attaveqaatersuutillumi ilinniartut allat pingaarnertut pikkorissaqatigisassavatit.

Ilinniarnerup ingerlanerani Issittumi suliffeqarfimmi pisortalluunniit ingerlatsiviani ukiup affaa sulinermik misiliillutit sulissaatit.

Ilinniakkap sammivianut qaffasissutsimut piumasaqaat:

• Matematik A
• Fysik B imaluunniit Geovidenskab A
• Kemi C imaluunniit Bioteknologi A
• Tuluttut B

Misilitsinnerit tullinnguuttut kvote 1-mut aamma kvote 2-mut isersinnaatitsipput:

• Ilinniarnertuunngorniarfimmi soraarummeersimaneq (stx)
• Piareersaatitut qaffasinnerusumik soraarummeerneq (hf) 1. august 2017 sioqqullugu aallartinneqartoq
• Piareersaatitut qaffasinnerusumik soraarummeerneq (hf) 1. august 2017 kingorna aallartinneqartoq tapiliussartaqanngitsoq (taamaallaat diplomingeniøritut ilinniarnermut isissutaasinnaasoq)
• Piareersaatitut qaffasissumi soraarummeerneq (hf) 1. august 2017 kingorna aallartittumik tapiliussartalik
• Niuernermi qaffasinnerusumik soraarummeerneq (hhx)
• Soraarummeerneq teknikkikkut qaffasinnerusoq (htx)
• Inuussutissarsiummut ilinniagaq inuussutissarsiummut atatillugu ilinniarnertuutut soraarummeernertalik (eux) svendebrevitaqanngitsoq (taamaallaat diplomingeniørinngorniarnissamut isissutaasinnaasoq)
• Inuussutissarsiummut ilinniagaq inuussutissarsiummut atatillugu ilinniarnertuutut soraarummeernertalik (eux) svendebrevitalik
• Inuussutissarsiummut ilinniagaq merkantiliusoq inuussutissarsiummut atatillugu ilinniarnertuutut soraarummeernertalik svendebrevitaqanngitsoq 1. august 2017 sioqqullugu aallartinneqartoq.
• Allanik oqaasilinnut hf-imik immikkut ittumik atuartitsineq (GIF)
• Duborgskolenimi soraarummeerneq
• A.P. Møllerskolenimi soraarummeerneq
• Savalimmiuni ilinniarnertuutut soraarummeerneq
• Savalimmiuni piareersaatitut qaffasinnerusumi soraarummeerneq
• Savalimmiuni niuernermi qaffasinnerusumi soraarummeersimaneq
• Savalimmiuni soraarummeerneq teknikkikkut qaffasinnerusoq
• Kalaallit Nunaanni ilinniarnertuunngorniarfik (GUX-eksamen)*
• Kalaallit Nunaanni inuussutissarsiummut ilinniarnertuutut soraarummeerneq teknikkikkut qaffasinnerusoq*
• Kalaallit Nunaanni inuussutissarsiummut ilinniarnertuutut soraarummeerneq niuernikkut qaffasinnerusoq*

*Kalaallinut immikkut aaqqissuussaq aqqutigalugu qinnuteqarusukkuit kingusinnerpaamik 15. marts. nal.12.00 qinnuteqassaatit.
Soraarummeernerit tullinnguuttut kvote 1-imut 2-mullu isissutaasinnaapput, maliginiagassaavorli qinnuteqarfissap 15. marts nal. 12 killigimmagu:

• Dansk/Fransk Baccalauréat (DFB)
• Europæisk Baccalauréat (EB)
• International Baccalaureate (IB)
• Option Internationale du Baccalauréat (OIB)
• Dansk-tysk ilinniarnertuunngorniarfimmi soraarummeersimaneq/DIAP
• Tuluit Nunaanni soraarummeersimaneq (2023-mi aasaanerani tigusinermut ilanngullugulu)
• Ilinniarnertuutut soraarummeernerit nunani EU/EØS-imimiittuni allaneersut

Soraarummeernerit tullinnguuttut taamaallaat kvote 2-mut isissutaasinnaapput:

• Ilinniarnertuutut soraarummeernerit nunani EU/EØS-imimiittuni allaneersuunngitsut
• Ingeniørinngorniarnissamut isersinnaanissamut pikkorissarneq.
• Rudolf Steiner-ip atuarfiani ilinniarsimaneq (NB: Rudolf Steiner-imi soraarummeersimasutut qinnuteqaruit immikkut akuerineqarluni tigusaanissamut qinnuteqassaatit).

Inuussutissarsiummut bachoritut ilinniarnerit isissutaasinnaasut
Isissutaasinnaasumik ilinniarnertuutut soraarsummeersimanngikkuit, taamaattorli inuussutissarsiummut bachoritut ilinniarsimallutit (PBA) inuussutissarsiummulluunniit akademimik ilinniarsimallutit (EA), diplomingeniørinngorniarfiit aalajangersimasunut (.pdf) tigusaanissamut kvote 2 aqqutigalugu qinnuteqarsinnaavutit.

Tiguneqarnissamut piumasaqaatit aalajangersimasut minnerpaamik angusimanissaat maluginiassavat. Tassa imaappoq sammivinnut aalajangersimasunut ataasiakkaanut tigusaassaguit illit minnerpaamik atuartitsissutit qaffasissutsini allassimasuni angusimasariaqaritit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Ornigullutit qinnuteqarsinnaanngilatit, kisianni MitID-qanngikkuit optagelse.dk CPR-normu e-maililuunniit atorlugu taamaaliorsinnaavutit

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniarneq augustimi aallartissaaq

Neqeroortoq
Sisimiuni DTU aamma KTI

Aningaasaqarneq
Ilinniarneq tamakkerlugu Ilinniagaqarnersiuteqarnissamut sullissivik aqqutigalugu qinnuteqarsinnaavutit.

Suliffimmik misiliinermi pissutsit
Tigusaarusukkuit aallaavittut suliffimmik sungiusarfissarsisimasariaqanngilatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasissusaasa tunngavissaani 6-imi inissisimavoq. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Paasisaqarnerugit Ingerlaqqiffiusumik inersimasunik ilinniartitaanermi piginnaasat qaffasissusaat.

Siunissami periarfissat/suliffissat
Issittumi Sanaartornermi Attaveqaatersuutinilu ilinniarnerup ingeniøritut piginnaasarilissavatit sanaartorneq, avatangiisini teknikki pilersaarusiornerlu. Peqatigisaanik issittumi pissutsit immikkuullarissut ilisimasaqarfigilissavatit. Issittumut tulluarsakkanik sanaartornermik, inuiaqatigiinni avinngarusimasuni attaveqaatersuutilerinermik, pinngortitami sunnertiasumi avatangiisinik qulakkeerinninnermik, erngup nukinganik nukissiorfiliornernik aatsitassarsiornernillu suliaqarsinnaalissaatit.

Ilinniarnivit ingerlanerani pikkorissarnerit sorliit tigunerlugit apeqqutaallutik assersuutigalugu suliassaqarfiit makku sullivigisinnaassavatit:

• Ingeniøri siunnersuisoq
• Entreprenøritut sanaartornermullu suliffeqarfiit
• Pilersuinermut attaveqaatersuutinullu ingerlatseqatigiiffiit (imeq nukissiornerlu, angallanneq – aqqutit, umiarsualiviit mittarfiillu)
• Nunaminertanik pigisanillu ineriartortitsineq
• Aatsitassarsiorfittut ingerlatseqatigiiffiit
• Kommunit teknikkikkut avatangiisinullu ingerlatsivii
• Ministeriaqarfiit (ineqarneq, avatangiisit, nukissiuutit, angallanneq, inuussutissarsiorneq, pilersaarusiorneq)

Ilinniarlutit naammassiguit Kalaallit Nunaanni issittumilu allani, soorlu Norgep avannaani, Islandimi, Canadami Alaskamilu, suliffittaarnissamut periarfissaqarluarputit. Danmarkimi nunaniluunniit tamalaani suliffeqarfinni, issittumi suliaqarfiusuni issittuniittunulluunniit sullissiffiusumi, sulinissaq periarfissaassaartaaq. Assersuutigalugu ingeniøritut siunnersortinngorsinnaavutit, entreprenørinut sanaartornermullu suliffeqarfinnut ministeriaqarfinnulluunniit. Danmarkimi sanaartornermut ingeniøritut sulisinnaavutittaaq.

Ilinniarnermut pilersaarut
https://www.dtu.dk/uddannelse/diplomingenioer/uddannelsesretninger/arktisk-byggeri-og-infrastruktur#ugeskema

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.