Ilinniarfik neqeroorutigineqartarpoq ilinniarfeqarfinni Ilulissani Nuummilu, taakkunanilu ilinniarfeqarfinni immikkut ilinniartut 25 tigusarpaat. Najugaq toqqammaviulluni sumi ilinniarfeqarfimmi akuerisaanissaq apeqqutaasarpoq. Sumiiffiliunneqartoq ilinniarfeqarfinni PI/SPS-imilu isumaqatigiissutigineqartarpoq. Ilinniarfeqarfiit Ilulissani aggustimi aallartittarput, Nuummilu januaarimi. Ilinniarneq ukiunik marlunnik sivisussuseqarpoq ilinniarnermilu sap. ak. 49 atuagarsorfiusarlutik sap. ak. 47-illu isumaginniffiup iluani suliffimmik misiliiffiusarlutik.
Ilinniarneq tallimanut agguataarneqarnikuuvoq:
• Atuagarsorneq siulleq: Ilinniarfeqarfimmi (RES) sap. ak. 12-ini
• Suliffimmik misiliineq siulleq: sap. ak. 16-it Nuummi kiisalu sap. ak. 17-it
• Atuagarsornerup aappaa: Ilinniarfeqarfimmi (RES) sap. ak. 16-it Nuummi kiisalu sap. ak. 17-it Ilulissani nalliuttorisornerit peqqutaallutik
• Suliffimmik misiliinerup aappaa: sap. ak. 30-it
• Atuagarsornerup pingajussaa: sap. ak. 20-it ilinniarfeqarfimmi PI/SPS i Ilulissat
Suliffimmi misiliinerit marlunnut avinnikuupput suliffimmilu misiliiffimmi ataasiinnarmi ingerlanneqartarlutik
Atuagarsornerup suliffimmillu misiliinerup sivisussusaa apeqqutaasarpoq qaqugukkut ilinniartoq aallartissimanersoq, taamaattumik atuagarsorneq suliffimmillu misiliineq ullui illuartinneqarsinnaapput nalliuttorsiornerit allallu sulinngiffiusut peqqutaallutik.
Ukiumut ilinniartoq sap. ak. tallimanik sulinngiffeqarsinaatitaavoq. Aasakkut sulinngiffeqarfimmi julimi sap. ak. pingasut pisarpoq. Sap. ak. marluk sinneruttut suliffimmik misiliinerup nalaani ilinniartup suliffimmillu misiliiffiup isumaqatigiissusiorneranni.
Suliffimmik misiliineq marlunnut avinneqarnikuuvoq suliffimmilu ataasiinnarmi misiliisoqartarluni ilinniarnerup ukiut marluusup ingerlanerani. Sap. ak. 17-it kiisalu sap. ak. 30-it. Ilinniartoq sap. akunneranut 36 paaqqinnittarfimmittarpoq sap. akunneralu allortarlugu praktikvejleder naapittarlugu. Sinneruttut 4 tiimit ilinniartup nammineerluni misissuinerminut allattariarsorlunilu suliaqarnerminut atuarnerminullu atussavai, periarfissaapallu studiegruppeminut.
Suliffimmik misiliinermi atuagarsornermisuulli aningaasarsiffigineqartarpoq.
Suliffinnik misiliinermi sammisat pingaarnerit ilagai; isumassuineq, sulineq, ikiuineq kiisalu perorsaanermut tunngasunik suliaqarneq. Aammalu ilinniartup attaveqaqatigiinneq, suleqatigiittariaatsit kiisalu paaqqinnittarfimmi suliassat nammineq suleqateqarluniluunniit naammassisinnaanissai.
PI/SPS-ip suliffimmik misiliinissaq aaqqissuuttarpaa akisussaaffigalugulu ilinniartumut tulluuttumik suliffissaqarnissaa misiliiffigisinnaasaanik. Taakkua ilagaat ulluinnarni paaqqinnittarfiit; meeraaqqeriviit, meeqqeriviit, atuareernerup kingorna paaqqinnittarfiit, fritidsklub assingisaalu, kiisalu ulloq unnuarlu paaqqinnittarfiit, soorlu innarluutillit inaat, najugaqatigiiffinni, utoqqaat illuanni, perorsaavinni asssingisaannilu.
PI/SPS RES suleqatigalugu akisussaaffigivaa atuagarsorneq, suliffimik misiliineq, pikkorissartitsineq aammalu praktikvejledereqarneq.
Suliffimmik misiliineq pillugu paasisaqarnerusinnaavutit Ilinniartitaanerup Aaqqisuussaanerani.
Ilinniakkamut akuerisaanissamut piumasaqaataavoq qinnuteqartoq:
• Meeqqat atuarfiannik naammassinninnermi minnnerpaamik kalaallisut karakteri 4 qallunaatullu karakteri 02 pissarsiarisimanissai
• allattariarsorluni kalaallisut qallunaatullu sunngiffimmi atuartitsinermi kalaallisut qallunaatullu peqataasimaneq, minnerpaamik kalaallisut karakteri 4 qallunaatullu karakteri 02 pissarsiarisimanissai
• Aallarniutaasumik pikkorissarnermut akuerisaasumik naammassinnissimasut, soorlu Piareersarfik/Majoriami, tassanilu takutitsilluarsimaneq
• Qinnuteqartut inulerinninnermut tunngasuni misilittagallit piumaneqarnerupput
Akuerisaanermi pinerlussimannginnermut allagartaq tunniunneqassaaq. Ilinniakkamik akuerisaaniaraanni pinerlussimanngittariaqarpoq. Siulersuisut pinerlussimannginnermik allagartanik nalilersuisarput aallartinnissaq imaluunniit akuerisaanerup unitsiinnarnissaa pillugu.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniagaq ingerlaavartumik aallartittarpoq
Neqeroortoq
Perorsaanermik Ilinniarfik (PI/SPS)
Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.
Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/siunnersuinermi-ikiortitut-ilinniagaq/
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.