Ilinniarneq immikkoortortaqarfitsinni Nuummi neqeroorutigineqarpoq. Ilinniaqatigiit 24 tikillugit akuerineqartarput eqimattatut ingerlasussatut. Ilinniarneq ukiumik ataatsimik sivisussuseqarpoq, sapaatip akunnerini 29-ni atuagarsorneq kiisalu sapaatip akunnerini 17-ini suliffimmik misiliinermik ingerlanneqartarluni.
Ilinniarneq Nuummi ukiumut ataasiarluni aallartittarpoq:
• Ukiuunerani ilinnialerneq, februarimi – qinnuteqarfik kingusinnerpaamik septemberip aallaqqaataa
Najugaqarnerit aallaavigalugu immikkoortortaqarfimmut qaninnermut ilinnialernissat inissinneqassaaq. Inissinneqarnissamut aaliangiinerit immikkoortortaqarfiit akornani isumaqatigiissutigineqassapput.
Ilinniarneq pingasunut agguataarneqarnikuuvoq:
• Atuagarsorneq siulleq: sap. ak. 11-ini
• Suliffimmik misiliineq: sap. ak. 17-it
• Atuagarsornerup aappaa: sap. ak. 18-it
Suliffimmik misiliiffiusinnaasut akuerisat PI/SPS-ip nittartagaani Isumaginninngermi Ikiortip ataani nassaarineqarsinnaapput. Suliffimmi misiliinermut ilaatigut, meeqqeriviit, meeraaqqeriviit, fritidshjemmi, klubbit, atuareernermi ornittakkani paarsisarfinni il. Il., kiisalu ulloq unnuarlu paaqqinnittarfinni soorlu innarluutilinnut sullissivinni, najugaqatigiiffinni, utoqqaat illuini aammalu meeqqat angerlarsimaffianni. Ilinniartup nammineq akisussaaffigaa suliffimmik misiliiffissamik ujartuinissaq.
Meeqqanik pinerliisimannginnermik uppernarsaat ilinnialernissamut akuerisaanissamut piumasaqaataanngilaq, kisiannili suliffimmi misiliinissaq meeqqat 15-it inorlugit ukiulinnut sullissinissamiippat suliffimmik misiliinissaq sioqqullugu pissarsiarineqarlunilu akuerineqarnissaa piumasaqaataavoq.
Suliffimmi misiliinerup ingerlanneqarnera suliffiup misiliiffiusup akisussaaffigaa PI/SPS isumaqatigiissuteqarluni suleqatigineratigut.
Ilinniakkamut akuerisaanissamut piumasaqaataavoq qinnuteqartoq:
• Meeqqat atuarfiannik naammassinninnermi minnnerpaamik kalaallisut karakteri 4 qallunaatullu karakteri 02 pissarsiarisimanissai
• allattariarsorluni kalaallisut qallunaatullu sunngiffimmi atuartitsinermi kalaallisut qallunaatullu peqataasimaneq, minnerpaamik kalaallisut karakteri 4 qallunaatullu karakteri 02 pissarsiarisimanissai
• Aallarniutaasumik pikkorissarnermut akuerisaasumik naammassinnissimasut, soorlu RKV, Piareersarfik/Majoriami, projekt NUIKI, assigisaanillu, tassanilu takutitsilluarsimaneq
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniagaq ingerlaavartumik aallartittarpoq
Neqeroortoq
Perorsaanermik Ilinniarfik (PI/SPS)
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Suliffimmik misiliinermi pissutsit
Qinnuteqartup suliffimmik misiliiffissamik pissarsereersimanissaa piumasaqaataavoq.
Taamaakkaluartoq suliffimmik misiliiffissamik pissarsisimanngikkaanni PI/SPS-ip naliliineratigut ilinniarneq aallartinneqarsinnaavoq, suliffimmik misiliiffissamik ilinniarnerup ingerlanerani pissarsisoqarsinnaanissaa periarfissatut isigineqarpat.
Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.
Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/siunnersuinermi-ikiortitut-ilinniagaq/
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.