Aalisariutip qaavani qalulerinermut ikiortitut imaluunniit qalulerisuni aqutsisutut sulilertoqassinnaavoq, ilinniagaq una naammassigaanni.
Piffissami ilinniarfiusumi ilinniagassat:
- 26 pikkorissarneq, Suliffimmi pissutsit aamma svejserinermi kissartorlu atorlugu katiterinermi isumannaallisaaneq
- Suliamut tunngasut pillugit atuarneq allannerlu
- Tunngaviusumik kisitsineq
- Tunngaviusumik matematikkerneq
- Suliamut tunngatillugu allamiut oqaasii (qallunaatut tuluttullu)
- Tunngaviusumik IT
- Aalisartup atortuinik aserfallatsaaliuineq
- Kilisaatit sunik sanaajunissaannik sananissaannillu toqqaaneq, kilisattuusaaneq misiliinerlu
- Kilisaatissanik IT-mi nammineq ilusilersukkat tunngavigalugit kilisaatiusaliorneq
- Aalisarnermik ilinniarneq
Suliassat:
Umiarsuarmi officerit allat qanimut suleqatigalugit qaavani sulianik siulersuineq. Pilersaarusiorneq kilisaatinillu aserfallatsaaliuineq.
Ilinniartitaaneq qaammatinik qulingiluanik tassa sapaatit-akunnerinik 30-nik sivisussuseqarpoq. Piffissat ilinniarfiusut marluupput, qalorsualiorfimmi praktikkerfiusoq ataaseq, aalisariummi praktikkerfiusut marluk.
- Ilinniarfiusoq siulleq sapaatit-akunneri qulit
- Qalorsualiorfimmi praktikkerfiusoq sapaatit-akunneri sisamat
- Praktikkerneq siulleq (aalisariummi) sapaatit-akunneri arfinillit.
- Praktikkernerup aappaa (aalisariummi) sapaatit-akunneri arfinillit.
- Ilinniarfiusup aappaa (naammassiilluni) sapaatit-akunneri marluk.
Ilinniarneq sapaatit-akunnerini marlunni Imarsiornermik Ilinniarfimmi soraarummeernikkut allagartartaanikkullu naammassineqassaaq.
Ilinniartussatut tigusaassagaanni ima piumasaqaateqarpoq:
- Umiartortutut tunngaviusumik ilinniartitaaneq, soorlu Imarsiornermik Ilinniarfimmi assigisaaniluunniit, naammassisimasariaqarpoq, imaluunniit
- Inuussutissarsiutigalugu aalisartuunermi isumannaallisaanermik pikkorissarsimasariaqarpoq
- Sivikinnerpaamik ukiuni marlunni umiartorsimanermut uppernarsaateqartariaqarpoq.
- Ukunani piginnaaneqarluartariaqarpoq: Matemattiki, IT, qallunaatoorneq tuluttoornerlu.
- Umiarsuaateqarfimmi/umiarsuarmi praktikkerfissaqartariaqarpoq.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniagaq ingerlaavartumik aallartittarpoq
Neqeroortoq
Imarsiornermik Ilinniarfik
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput.
Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.
Ilinniarnermik aaqqissuussineq
https://maritim.gl/ka/aalisariutinut-ilinniarneqarsinnaasut/trawlbas/
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.