Isumaqarpit, niuernerup iluani, aningaasaqarneq imaluunniit tuniniaanermik sullissilluni pissanganartuusoq? Taamaappat MERX II inuussutissarsiutigalugu suliffissanut ingerlaqqiffittut aqqutissaavoq.
Sooq MerX II-mi ilinniassavit?
TNI imaluunniit GUX-mi ilinniarnikuuit, taava MerX II aqqutigalugu ilinniagartuutut ilinniartitaanerit arlallit pissanganaqisut niuernermi, nittarsaassinermi, pilersaarusiornermi, aningaaserinermi, allaffissornermi, IT imaluunniit HR-imut ingerlariaqqissinnaavutit. Ilinniarnermik aalajaatsumik siunissamilu suliffeqarfimmi imaluunniit pisortat allaffeqarfianni sunniuteqarusukkuit, taava MERX II toqqagassatsialaavoq.
Qanoq atuartitsineq ingerlasarpa?
MERX II-mi inuussutissarsiornerup iluani pissutsinik pingaarutilinnik eqquinissamik ajoqersuunneqassaatit. Taamaasilluni ilinniakkamut sorlermut ilinniaqqiffigissallugu soqutigisannut nalilersuinissannut periarfissaqalissaatit. MERX II-mi piginnaasatit ineriartortissinnaavatit atuagarsornikkut suleriaatsikkut ajornaatsumillu pilersaarusiornikkut, makku sammisassat naatsorsuutigisinnaavatit:
Virksomhedsøkonomi B, Afsætningsøkonomi B, International økonomi B, Suliffimmik misiliinissamut ujaasineq, Studieteknik siammasissoq, Erhvervscase B, tamatumalu saniatigut toqqagassat C-niveau-meersut
MERX II-imi ilinniartutut sapaatip akunneranut ilinniarfiit akunnerit 43 missaani ilinniarfigisassavatit.
Atuartitsinerup ilarujussuaq paasinartuuvoq. Ulluinnarni assersuutit, ulluinnarnilu assersuutit piviusut aallavigalugit suliaqartassaatit, taamaasilluni siunissami suliffigilerumaangassannut piukkunnarsarneqassallutit. Atuarnerup ingerlanerani suliat pillugit atuakkanik atuartassaatit, isiginnaangassianik aalasulianik isiginnaartassallutit, taakkualu imarisaanik suliaqartassallutit kisimiillutit imaluunniit eqimattanngorlusi.
MerX II-imi ilinniarnissamut tigusaanissamut suut piumasaqaataappat?
MERX II-imi ilinnialernissamut tigusaanissamut aallaqqaattut, GUX + MERX I imaluunniit inuussutissarsiornermi ilinniagaq aalajangersimasumik sammivilik arlaat naammassisimasariaqarpat (TNI). Aammattaaq ilinniarnernit allaniit merit-inik nuussisoqarsinnaanissaa taamatuttaaq immikkut akuersissummik tunniussisoqarsinnaanissaanut qinnuteqartoqarsinnaanissaannut periarfissaqarpoq.
MerX II sumut ammaassiva?
MERX II akademi-mi ilinniakkamut makkununnga ammaassivoq:
• Aningaasaqarnermi isumalluutinillu aqutsineq
• Offentlig Administration
• Nunat Tamalaat Akornanni Niuerneq aammalu Ussassaarineq
• Nunat Tamalaat Akornanni Assartuussineq, Ingerlaarfissanillu Pilersaarusiorneq
• Digital-linngortitsiniarneq aammalu Qarasaasiakkut Ingerlatsineq
• Human Ressources
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniartitsineq qaammammi januarimi aallartissaaq
Neqeroortoq
Niuernermik Ilinniarfik/Grønlands handelsskole
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Suliffimmik misiliinermi pissutsit
Suliffimmik misiliissanngilatit
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat / Suliffiusinnaasut
Niuernerup, aningaasaqarnerup aamma nittarsaassisarnerup iluini Ingerlaqqiffiusumik aamma inuussutissarniornermik ilinniaqqinnnissamut periarfissaqassaatit.
Ilinniarnermik aaqqissuussineq
https://gbs.gl/wp-content/uploads/2023/02/2020-Uddannelsesplan-MERX-I-og-II_godkendt.pdf
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.