Nunarput tamakkerlugu – pingaarnertut illoqarfinni – Kalaallit Nunaanni takornariaqarnerpaaffiup nalaani Issittumi Takornarianik angallassisutut soqutigisalinnut.
Tamatumunnga ilinniarfissaq ima periarfissiitigaaq, Kalaallit Nunaanni piffissaq takornariaqarnerpaaffik qaangiukkaangat nunani allani takornarialerisutut sulisinnaallutit. Ilinniarfimmi takornarialerinerup angalanerullu iluani oqaasilerinernik ilaatigut suliaqartassaatit, takornarialerinerullu iluani nutaajunerusunik isumassarsiortassallutit. Matumani aammattaaq piujuartitsineq, inunnik sullissineq Kalaallillu Nunaata oqaluttuarisaanera, kulturia nunap sananeqaataa uumassuseqartullu ukkatarineqassapput.
Ilinniagaq ukiup affaanik sivisussuseqarpoq, piffissami januaari aallartinneraniit maajip naaneranut. Ilinniartitsinissamut pilersaarutaareersut saniatigut ilaatigut suliniutinik suliaqartassaatit, allattariarsornikkut suliassanik suliaqartassaatit, assigiinngitsunik sungiusarlutillu nammineq ilinniartassaatit. Ilinniagaq maajimi naammassineqartarmat, takornariaqarnerpaaffiup aallartinnerani sulisinnaanngoriissaatit.
Tassa imaappoq pinngitsoornat akuerisaassaatit.
Ilinniagaqarnissamut akuerisaanissamut, imaluunniit matumani modulinut isersinnaanissaq piumasaqaateqarput ilinniarfiit tullinnguuttut ilaat naammassisimassagitit:
- Ilinniarnertuutut soraarummeerut (GU, GUX, HHX, HTX, Stx, assingusorluunniit)
- Naleqquttumik ingerlariaqqiffiusumik inersimasunut ilinniarfik (VVU), tamanna Kalaallit Nunaanni NI-2-juvoq
- Ingerlariaqqiffiusumik ilinniarfik naatsoq (KVU) – Serviceøkonomitut ilinniarfik
- Tuluttut suliffeqarfiillu aningaasaqarneranni C-mik qaffasissuseqarluni TNI-mi ilinniarfik
Qinnuteqartut naleqquttumik isissutaasinnaasumik ilinniakkanik naammassisaqarnikuunngikkaluartut aamma akuerineqarsinnaapput. Matumani nalilersuisoqarluassaaq, tassani piumasaqaatinut eqqaaneqartunut assersuunneqarsinnaasunik ilinniakkatigut piumasaqaateqartutit nalilersorneqassalluni. Taamaattorli akuerisaassaguit minnerpaamik tuluttut C-mik qaffasissusilimmik ilinniagaqarsimassaatit.
Naatsorsuutaavoq Den Europæiske Sprogportfolio-mi minnerpaamik B2-mik qaffasissuseqartumik tuluttut allakkanik atuarsinnaasutit. Pisariaqartumik oqaatsitigut piginnaasanik qaffassaanissamut akisussaaffik pingaarnertut ilinniippoq, ilinniarnerullu iluani killilimmik sungiusarneqassallutit. Qinnuteqartut tamaasa pisortatigoortumik akuerisaanissamut piumasaqaatinik naammassinninngitsut, B2-mik qaffasissusilimmik tuluttoorsinnaanerannik qulakkeerinnittumik akuerineqarnissamut misilitsinnermi angusisimassapput.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniagaq ingerlaavartumik januaari
Neqeroortoq
Campus Kujalleq, Qaqortoq
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit
Suliffimmik misiliinermi pissutsit
Suliffimmik misiliissanngilatit
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit .Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat/Suliffiusinnaasut
Takornariartitsinermi issittumi guidetut sulisinnaassaatit.
Ilinniarnermik aaqqissuussineq
https://attat-my.sharepoint.com/personal/gljodan8_attat_gl/_layouts/15/onedrive.aspx?id=%2Fpersonal%2Fgljodan8%5Fattat%5Fgl%2FDocuments%2FSkrivebord%2FAndre%20dokumenter%2FWebsite%2FServer%2FUddannelsesplan%2Dfor%2DArktisk%2DTuristguide%2Dforar%2D2024%2Epdf&parent=%2Fpersonal%2Fgljodan8%5Fattat%5Fgl%2FDocuments%2FSkrivebord%2FAndre%20dokumenter%2FWebsite%2FServer&ga=1
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.