Marlunngorneq ulloq 30.06.2026 nal. 13.00 Qasigiannguani Meeraaqqerivik Inequnaami nalliuttorsiortoqarpoq. Tassalu sulisut marluk - Mette Nikolajsen aammalu Lena L. Nielsen. Ullormi tassani najuupput nalliuttorsiortut ilaqutaat qaningisaallu, aammalu Kommune Qeqertalimmi Viceborgmester Jens Vetterlain aammalu illoqarfiup pisortaa Nikolanguaq Nikku Brandt.
Nalliuttorsiorneq aallartippoq Meeraaqqerivik Inequnaat aqutsisup tullersortaa Margrethe Samuelsen tikilluaqqusisoralugu. Tikilluaqqusereerami kommunalbestyrelse sinnerlugu oqaaseqartussaq viceborgmester Jens Vetterlain oqaaseqarpoq, kingornalu diplom Borgmester Simigaq Heilmann-imit atsiorneqarsimasut tunniunneqarlutik.
Kaffisoqatigiinneq aallartinnginnerani Meeraaqqerivik Inequnaat pisortaa Sussi M. Jerimiassen aamma oqaaseqarpoq.
Mette Nikolajsen Meeraaqqerivik Inequnaat suliffigilersimavaa ulloq 18.06.1986.
Lena K. Nielsen Meeraaqqerivik Inequnaat suliffigilersimavaa ulloq 27.06.1986.
Mette aammalu Lena pilluaqqugaarpagut nalliuttorsiorneranni. Qaqutigoorpoq suliffik ataaseq ukiut 40-t suliffigineqartarnera.
