Kommunip uppernarsarsinnaavaa, akiligassiissutit kinguaattoorsimanerannut atatillugu qaammatini kingullerni marlunni, apriilimi maajimilu, innuttaasunut kommunimut akiliutissanik akileeqqusisoqanngitsoq.
Tamatumani ilaatigut pineqarput eqqaavilerinermut, anartarfilerinermut, meeqqerivinnut kiisalu kommunip akileeqqusissutaanut allanut uteqqiattartunut akiligassiissutit.
Kommunimi innuttaasut ilaat saaffiginnissuteqarsimapput, akiligassiissutaasartut nalinginnaasumik piffissaq eqqorlugu akilertaraluarlugit Akiliisitsiniartarfimmut ingerlateqqinneqarsimanertik naammagittaalliutigalugu.
Kommunip Namminersorlutik Oqartussallu akornanni malittarisassat atuuttut naapertorlugit, akiitsut akilerneqanngitsut akiligassap akilerneqartussanngornerata kingorna kingusinnerpaamik ullut 21-it qaangiutsinnagit akilerneqarsimanngippata, Akiliisitsiniartarfimmut ingerlateqqinneqartussaapput.
Tamatuma kingunerisaanik innuttaasut ilaat misigisaqarsinnaapput akiligassap akilerneqartussanngornerata kingorna akiitsut suli akilerneqarsimanngitsut Akiliisitsiniartarfimmit Akileraartarnermut Aqutsisoqarfiup akiliisitsiniarnermut systemia aqqutigalugu akilersinniarneqartut.
Pisumi matumani kommuni kingusinaarluni akiliinermut atatillugu gebyrinik akileeqqusissanngilaq. Akiliisitsiniartarfik aamma innuttaasunut nassiunneqarsimasinnaasunik eqqaasitsissutinut gebyrinik akileeqqusissanngilaq.
Taamaattorli pisoqarsimasinnaavoq innuttaasut piffissami pineqartumi pisortanut allanik akiitsoqareernerat pissutigalugu Akiliisitsiniartarfimmit ilanngaassiffigineqarsimasut.
Kommunip akiligassiissutit kingusinaartumik nassiunneqarsimanerisa innuttaasunut akornusersuutaanerat utoqqatserutigeqqippaa.
Kommune Qeqertalik
