Ullumikkut tallimanngornermi marsip ulluisa 20-anni Aasianni Polar Raajat matuneqarnissaanik akerliussutsimik eqqissisimasumik takutitsisoqarpoq inunnik 100 missaannik amerlatigisunik. Akerliussutsimik takutitsinerup nalaani Aasiaat seqinnerpoq issilluni
Maluginiarnarpoq Aasianni suliffeqarfiit amerlasuut peqataanerat.
Suliffeqarfiit peqataalluarnerannut pissutaagunarpoq Aasianni suliffeqarfiit atorluarneqartarnerat. Katillugu Polar Raajat 27 mio. kr. missaat angullugit kaaviaartitsisarluni, kommunemullu skat aqqutigalugu 7 mio. kr. missaani isaatitsisuusarluni. (Sulisut skatteerutaat).
Akerliussutsimik takutitsineq tapersersorniarlugu Aasianni Pisiffik akerliussutsimik takutitsisunut kaffillerlunilu tiillerpoq.
Kommunalbestyrelsemi ilaasortat arlaqartut akerliussutsimik takutitseqataapput, taakkunanilu oqaaseqartuuvoq Inuit Ataqatigiinniit Niels Kristensen.
Aaqqissuisuniit oqaaseqarsinnaaneq ammaanneqarmat oqaaseqartuuvoq namminersortoq Agathe Rafaelsen.
