Ullumikkut novembarip ulluisa qulaaluaanni GUX Aasianni puisi eqqullugu pilanneqarpoq. Ullunimi makkunani Aasianni GU-rtut kulturitsinnik sammisaqarput. Tassungalu atatillugu puisimik pilattoqarpoq atuartut kulturitsinnik takutitsiviginiarlugit. Aamma qaaqquneqartunut ilaapput meeqqat meeqqerivinneersut.
Meeqqat oqallaqqittuusaramik. Ilannguat aperisimavoq: Ukuuku ruujoriusassuit suut? Ilissi eqqoriarsinnaavisiuk puisip sukuttaa taamatut apeqqutigisimaneraa? Eqqarsaatigilaarniarsiuk.
Meeqqat oqallaqqittuusaramik. Ilannguat aperisimavoq: Ukuuku ruujoriusassuit suut? Ilissi eqqoriarsinnaavisiuk puisip sukuttaa taamatut apeqqutigisimaneraa? Eqqarsaatigilaarniarsiuk.
Puisip sukkutsinngua tamaat piniartunit pilattunit oqaluttuarineqarpoq. Puisilu illaaqarilluni, taamaalilluni puisi puallataarippoq angillunilu. GU-rtut puisip usua, utsuui ilami sukutsinngua tamaat takuaat attuuallugulu.
Pilattut GU-rtunit soqutigineqarlutik malinnaffigilluarneqarput, pilattunillu oqaluttuunneqarlutik. Atuarfiullu iluani GU-rtut kulturitsinnik sammisaqarnerminni aamma takutitassiaminnik nivinngartuisimapput. Tassanilu ilaavoq puisi.
Ruujoriusat suusut eqqarsaatigaasiuk? Tassaaku puisip inaluai apeqqutigisimagai. Tassa puisi pisarineqarami ammarlugu inaluai anillatsissimagamikkit nuisaannaartilerlugit. Taamaammat taama aperisimaasoq.
Assiliisoq: GUX Aasiaat
Assiliisoq: Kommune Qeqertalik
Assiliisoq: Komune Qeqertalik
Assiliisoq: GUX Aasiaat
Assiliisoq:Kommune Qeqertalik
Assiliisoq: Kommune Qeqertalik
Assiliisoq: Kommune Qeqertalik