Qinersineq

Qinersineq 2021. Kommunalbestyrelsimut, Nunaqarfinni aqutsisunut aamma Ilagiit sinnissaannut qinersineq. 

Marlunngorneq 6. april 2021 Inatsisartunut, Kommune Qeqertalimmi Kommunalbestyrelsimut,
Nunaqarfinni aqutsisunut aamma Ilagiit sinniisaannut  qinersisoqassaaq qinersivinni tamani nal. 09:00-20:00

Ulloq 1. januar 2021 aallarnerfigalugu allakkatigut taasisinnaalereerputit.

Qinerneqartussat amerlassusaat:

Kommunalbestyrelsimut qinerneqartussat amerlassusii:

• Kommune Qeqertalimmi Kommunalbestyrelsimi ilaasortat 15-iussapput.

Nunaqarfinni aqutsisunut qinigaasussat amerlassusii:

• Iginniarfik aamma Attu ataatsimoorussamik nunaqarfinni aqutsisussaminnik, pingasunik ilaasortalimmik qinersissapput.
  
• Ikerasaarsuk, Niaqornaarsuk aamma Kangerluk ataatsimoorussamik nunaqarfinni aqutsisussaminnik, tallimanik ilaasortalimmik qinersissapput.
• Kitsissuarsuit, Akunnaaq aamma Ikamiut ataatsimoortussamik nunaqarfinni aqutsisussaminnik, tallimanik ilaasortalimmik qinersissapput.

Ilagiit sinniisaannut qinigaasussat amerlassusii:

• Aasiaat, tallimat.
•  Qeqertarsuaq, pingasut.
• Qasigiannguit, tallimat.
• Kangaatsiaq, sisamat.
• Attu, pingasut.
• Iginniarfik, pingasut.
• Ikerasaarsuk, pingasut.
• Niaqornaarsuk, sisamat.
• Akunnaaq, pingasut.
• Kitsissuarsuit, pingasut.
• Ikamiut, pingasut.

Qinigassanngortittut allattorsimaffianni qinigassanngortitsisussat amerlassusissaat:

Kommunalbestyrelsimut qinigassanngortittunut, partiit avataanni aamma kattusseqatigiit:

Kikkut kommunalbestyrelsimut qinersinermut qinigassanngortissinnaappat?
Kinaluunniit qinersinissamut piumasaqaataasunik naammassinnittoq qinigassanngortissinnaavoq.

Qinersinermi inatsit §17, imm. 1 malillugu Partiit avataanni qinigassanngortittut nalunaarutigineqarneri qinersivimmi qinigassanngortitsisunit ikinnerpaamik qulinit atsiorneqarsimassapput. Atsiornerit nalunaarummi namminermi taassumaluunniit assilineri takuneqarsinnaassapput.

Nunaqarfinni aqutsisunut qinigassanngortittunut:
Qinersinermi inatsit § 65, imm 2 malillugu, kommunalbestyrelsimut qinersinermi qinigassanngortittunut malittarisassat §§ 14-21-miittut assigivai.

Ilagiit sinniisaannut:
Qinersinermi inatsit § 74, imm. 3 malillugu qinigassanngortittut tamarmik minnerpaamik tallimanik qinigassanngortitsisoqassapput. Inuit, ilagiit sinniissaannut qinersisinnaatitaasut taamaallaat qinigassanngortitsisinnaapput.

Qinersinermi inatsit pineqartoq tassaavoq Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsiartut inatsisaat nr. 27, 28 november 2016-imeersoq.

Qinigassanngortittut allattorsimaffiisa tunniunneqarnissaannut piffissaliussaq:

Inatsisartunut qinigassanngortittunut:
Inatsisartunut qinigassanngortilluni nalunaarneq pissaaq nalunaarsuiffissatut allaffissiap immersorneratigut.
Nalunaarut qinersivimmi qinersinermik siulersuisunut kingusinnerpaamik 16. marts 2021, nal. 12:00 sioqqullugu tunniunneqassaaq.

Inatsisartunut qinigassanngortinnermi immersugassiaq uani aaguk


Kommunalbestyrelsimut qinigassanngortittunut:
Kommunalbestyrelsimi qinigassanngortilluni nalunaarneq pissaaq nalunaarsuiffissatut allaffissiap immersorneratigut. Nalunaarut qinersivimmi qinersinermik siulersuisunut kingusinnerpaamik 23. februar 2021, nal. 12:00 sioqqullugu tunniunneqassaaq.

Kommunalbestyrelsimut qinigassanngortinnermi immersugassiaq uani aaguk (1)

Kommunalbestyrelsimut partiiniik qinigassanngortinnermi nalunaarnermi immersugassiaq uani aaguk (2).

Nunaqarfinni aqutsisunut qinigassanngortittunut:
Nunaqarfinni aqutsisunut qinigassanngortinneq nunaqarfigisami taaguinermik siulersuisumut nalunaarutigineqassaaq, nalunaarsuiffissatullu allaffissiaq immersorneqarluni. Nalunaarut kingusinnerpaamik 23 marts 2021, nal. 12:00 sioqqullugu tunniunneqassaaq.

Nunaqarfinni aqutsisunut qinigassanngortinnermi immersugassiaq uani aaguk (3).

Nunaqarfinni aqutsisunut partiiniik qinigassanngortinnermi nalunaarnermi immersugassiaq uani aaguk (4)

Ilagiit sinniisaannut qinigassanngortittunut:

Ilagiit sinniissaannut qinigassanngortilluni nalunaarneq pissaaq nalunaarsuiffissatut allaffissiap immersorneratigut. Nalunaarut taaguinermi siulersuisumut kingusinnerpaamik 9. marts 2021, nal. 12:00 sioqqullugu tunniunneqassaaq.

Ilagiit sinniisaannut qinigassanngortinnermi immersugassaq uani aaguk (5)

Ulloq qinersiffiusussaq taasiffiusullu piffissaliunneqarnera:

Inatsisartunut, Kommunalbestyrelsimut, Nunaqarfinni aqutsisunut aamma ilagiit sinniisaannut qinersineq pissaaq 6. april 2021, piffissami nal.:  9:00-miit 20:00-imut.

Taasiviit aamma taaguinermik siulersuisut:

Kikkut Qinersisinnaatitaappat?

Kinaluunniit ataani pineqartut tamakkerlugit naammassigunigit qinersisinnaatitaavoq:                                                                      

• Kinaluunniit ullormi qinersiffiusumi 18-inik ukioqalersimasoq.

• Qinersinissaq sioqqullugu sapaatit akunnerini arfinilinni Kommune Qeqertalimmi aalajangersimasumik najugaqarsimasoq.

• Danskisut innuttaassuseqartoq.

• Qinersineq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq, imaluunniit sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.

Qinersisinnaanermik atatitsiinnarnissamut qinnuteqarnissamut periarfissaqarputit, ataani piumasaqaatigineqartut naammassigukkit:

• Ilinniagaqarlutit Kalaallit Nunaata avataaniikkuit.

• Peqqinnissamut tunngasunik peqquteqartumik Kalaallit Nunaata avataaniikkuit.

• Kalaallit Nunaanni qinigaallutit folketingimi ilaasortaanerit peqqutaalluni Danmarkimiikkuit.

• Namminersorlutik Oqartussanut sinniisuullutit Kalaallit Nunaata avataaniikkuit.

• Kalaallit Nunaata avataaniinnerit qulaani taaneqartunut sanilliunneqarsinnaasunik peqquteqarpat.

Qinersisinnaanermik atatitsiinnarnissamut uuma immersorneratigut (6) qinnuteqarit, uungalu nassiullugu [email protected]

Qinigassanngortittut allattorsimaffiat Qinersinermik Siulersuisut nalunaarutaat.

Kommunalbestyrelsimut qinersinissamut qinigassanngortittut:

Ilagiit sinniisaannut qinersinissamut qinigassanngortittut: 

Nunaqarfinni ataatsimoorussani Nunaqarfinni Aqutsisunut qinigassanngortittut:

Inatsisartunut, kommunalbestyrelsimut imaluunniit Folketingimut qineqqusaassaguit qinersillutilluunniit uani paasissutissat iluaqutaasinnaasut nassaarisinnaavatit.

una toorlugu:Inatsisartunut, Kommunalbestyrelsimut imaluunniit Folketingimut qinersinissami qineqqusaassaguit qinersillutilluunniit uani paasissutissat arlallit iluaqutaasinnaasut nassaarisinnaavatit.