Atuartiguk
oktobari 27-at 2023

Unammiat tallimaannaagaluarlutik ujamippassuit

Indhold

Ungasinngitsumi Paamiuni Taekwondortartut GM-eqqammerput. Aasianniillu unammiat ujamminnattaaqarluarlutik angerlarput. Siulersuisuni siulittaasoq Dorthie Siegstad oqaluttuartipparput.
- Paamiuniippugut 10.10 Aasianniik aallarpugut Nuummi unnueriarluta Paamiunut ingerlaqqippugut. Utimut aamma taamannak Nuummi unnueqqaarluta 16.10 Aasiannut tikippugut. Dorthie aallartippoq.

Innersuussutit

- Paamiormiut aaqqissuinerat pitsaaqaaq tikilluaqqusaangaarluta apuuppugut, sullinneqarnerput pitsaavoq, kiisalu illoqarfimmi kikkut tamarmik ilassiorlutut nuanneqaaq.
Taekwondortartut illoqarfinni allaneersut ataatsimooqatingineri nuannerlutillu pissarsiaqarnarporaasit. Ataatsimuussuseq annertooq pisarput inuppassuungaluarlutik qitequtip annertussusaa apeqqutaatinnangu, kisianni Taeknowdop anersaava malillugu ataqqeqatngiinneq atorlungu ataatsimoorpungunaasit.
Inooriaaseq taanna unammisartuutitta angajoqqaavisut, naak nammineq Taekwondorneq ajoraluarluta iperaruminaatsilernikuuarput, tassa meeqqat inooqataanissaminni peqqinnissaminnilu sungiusarnerminni ilinniangaat inuiaqatingiinni inooqataanissaminni annertuumik atorfissaqartikkamikkit.
Unnersuussutit ukua sungiusarnermi eqqaaneqartuaannartarput sungiusarnerminni aamma taakkua ilinniartarpaat

• Inussiarnersuuneq
• Peqqusersuissuseq
• Qasusuissuseq
• Imminut naalakkersinnaaneq
• Anusinngujuinneq

Kisianni aamma taakkua ulluinnarni inuunerminni malittussaavaat illoqarfimmi inuiaqatingiit akornanni.

Taamaattumik kikkunnut tamanut innersuunnartarpoq pingaartumik inuiaqatingiinni killissamik qaangiisarneq innimiilliornerlu atorneqartartillugit unnersuussutit oqariartuutaat atorfissaqartuaannarput.
Aamma angajoqqaajulluni qujanartarpoq uatsinniinnanngittoq angajoqqaaniik pissuerinnissaq tusartinneqartartoq.
Tamanna malunnartarpoq, soorlu sungiusartartut inersimasortaqarput, inuusuttuarartaqarput meerartaqarlutillu, kisianni imminnut tamarmik inissaqartipput ataqqeqatigiillutik.

Ilaasortaaneq akeqanngilaq
Taekwondop siulersuisuiniit aalajangernikuuvugut ilaasortaaneq akeqassanngitsoq, pingaartikkatsigu kialuunniit akissaqassusaa killiliissanngitsoq peqataarusuttut tamarmik tikilluaqqusaapput, ilaasortaaneq akeqanngimmat, kisianni inuup nammineq sungiusarnermi atisani akilertarpai, kigutinut illersuutit allallu atortussani, kiisalu misilitsinnerit qitequteqassutsimut tunngasoq akeqartarpoq.

Unammiarnermi misilittagaqartalertarput
Maluginiarnartarpoq , meeqqat inuusuttullu unammiarnerminni unamminermik misilittagaqartalertartut, minnerunngitsumik imminnut tatiginerulernerat malunnartarpoq tamannalu takusinnaallugu tuppallernartarpoq sungiusartartut imminnut tatiginerulertut – taanna inuttut namminerminniippoq inuttullu sakkussaasa pingaarnerpaat ilagaat, soorlu aamma unnersuussutit oqariartuutaata ilinniarnerani allanik ataqqinninneq imminut naalakkersinnaaneq qasusuitsuunissaq timikkut tarnikkullu ilinniartaraat.
Taakkua inuttut ataasiakkaatut pigigaanni sakkussaapput annertuut, aamma sungiusartuarnermikkut timip pinertussusia angusarpaat. Ataatsimut tamarmik sungiusartarput ukiui apeqqutaanatik, kisianni qitequtitaarniarnermi qitequtaat apeqqutaasarpoq taanna aallaavigalugu pisassat/ sungiusagassat assigiinngitsuupput.
Tassani aamma eqqaamannissinnaanerat annertusarneqartarpoq. Meditationimilu tarnikkut oqimaaqatigiinngitsut nalimmassarneqartarlutik imaluunniit eqqarsaatiginerisigut inississorneqarsinnaallutik.

Unammiat tallimaannaagaluarlutik ujaminnalluarput
Unammisartut arlaqarput, kisianni unammiarnikuusut tallimaannaapput marluk 11-nik ukioqarput niviarsiaqqat, inuusuttuaqqat nukappiaqqat 13 aamma 14-nik ukiullit. 16-nik ukiulik inersimasorlu. Kisianni taassuma saniatigut sungiusartartut amerlanerupput. Taakku amerlavallaanngillat, piffiit ilaanni misileraasut takkuttarput sungiusarnerit nalaanni.

Guldit marluk, silvit marluk bronzillu pingasut unammiarnerminni Aasiannut angerlaappaat.

Sungiusartarfiit 
Sungiusarneq pisarpoq ataasinnngornikkut pingasunngornikkullu nal. 19-21, kiisalu sisamanngornikkut nal. 17-19 Gammeqarfiup eqaarsaartarfiani pisarpoq. Tamanut ammasumik

Timersoqatigiissitsineq
9. november 2023 nal. 17-19 pilersaarutaavoq tamanut ammasumik timersoqatigiitsitsinissaq Taekwondomi unnersuussutit ilisaritissallugit, kiisalu aamma sungiusariaatsimik misiliinissaq Hallemi tamanut ammasumik aaqqissuiniarpugut misileerusuttut tamarmik tikilluaqqusaapput.

Kikkulluunnit tikilluaqqusaapput ilaasortaaneq akeqanngimmat, aamma inuup sungiusartaleqqaap pinertussusaa aallaaviusarpoq. Ataatsimuussuseq annertuvoq suleqataaffigalugu anguniakkallu pitsaammata innersuukkusunnarpoq.
Aamma nuna tamakkerlugu 2030 angutinnagu aalanerulernissamut suleqataagatta innersuukkusuppara.

 

Paamiuni Taekwondomi GM-imi peqataasimasut tamaasa Kommune Qeqertalimmiit pilluaqquagut.