Majoriaq Inuit ingerlatsiviani fagchefi nutaaq
Oktober aallaqqaataani 2026-mi Stig Stavnskær Kommune Qeqertalimmi Inuit ingerlatsiviani Majoriaq pillugu fagchefitut nutaatut atorfinippoq. Akisussaaffiisa ilagaat ikiorsiissutit pisortaqarfiusut aammalu siusinaartumik pensionisiat.
Majoriaq Inuit ingerlatsiviani fagchefi nutaaq
Stig Stavnskær socialrådgiveritut ilinniarsimavoq, tamatumalu saniatigut psykologiimik ukioq ataaseq ilinniagaqarfigisimallugu kiisalu aqutsinermut tunngasuni assigiinngitsuni ilinniagaqartarsimalluni. Danmarkimi ukiuni 25-ni aqutsinermi misilittagaqarpoq, taakkunannga ukiuni 17-ini Aalborg Kommunemi sulisimalluni.
Suliffigisimasai ilaatigut tassaapput suliffissaqartitsiniarneq, ilinniartitaaneq, isumaginnittoqarfik kiisalu ilaqutariinnut tunngasut.
“Nuannaarutigeqaara Kommune Qeqertalimmi sulinissamut periarfissaqalersimanera, tassani misilittakkakka iluaqutigisinnaallugit aammalu nutaarsiassanik amerlasuunik ilinniagaqarfigisinnaagakku. Siullerpaamik Kalaallit Nunaanniippunga, maani najugaqarlunga sulilernissara qilanaaraara,” Stig Stavnskær oqarpoq.
Kommune Qeqertaliup Stig Stavnskær tikilluaqquaa, suleqatigiinnissarlu qilanaaralugu.
