Suliffeqarfimmi aningaasatigut aqutsisutut siunnisamik pilersitsigit.
Niuernerup aningaasaqarnerullu iluani suliffeqarfimmi ingerlarusuppit? Taamaappat akademi-mi ilinniagaq Aningaasaqarneq, isumalluutinillu aqutsineq ilinnut toqqassallugu tulluartuuvoq.
Aningaasaqarnikkut aamma nukissaqarnikkut aqutsineq pillugu akademi-mi ilinniakkami sooq ilinniartoqassava?
Aningaasaqarnerup isumalluutinillu aqutsinermi ilinniarnerup suliffeqarfimmi aningaasaqarnermik tamakkiisumik takunnissinnaalernissannut piginnaasaqartilissavaatit. Paasisimasaqalissaatit, aningaasaleeriaatsinik assigiingitsuni nalorninartorsiorfinni nalilersuisinnaangornissannik, minnerunngitsumik missingersuutinik suliaqarnermi, ukiumullu naatsorsuutinik nalilersuinermi.
Suliffimmi taaguutigilersinnaasatit ukuusinnaapput, controller, aningaasanik aqutsinermi suleqat, siunnersortilu namminersortoq. Ilinniagaq aqqutigalugu suliffinni assigiingitsorpassuarni, Kalaallit Nunaanni, nunanilu allani sulilersinnaassaatit.
Ilinniagaq bachelor-itut ingerlaqqinnissamut periarfissiivoq, aningaasaqarneq, isumalluutinillu aqutsineq siunertaralugit.
Qanoq atuartitsineq ingerlasarpa?
Atuartitsineq atuartitseriaatsinut assigiingitsunut agguagaavoq: Atuartitsineq tiiminut atuartitsiviusunut aggugaavoq, eqimattanut atuartitsineq, oqalugiarnerit, avataaniik saqqummiineq, skema malillugu atuartitsineq, atuarneq, suliaqarluni sulineq- eqimattanngorluni sulineq, nammineq ilinniarneq, ilinniagassalerineq il.il.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.
Aningaasaqarnikkut aamma nukissaqarnikkut aqutsineq pillugu akademi-mi ilinniarnermi aallunneqartut, atuartitsissutit tulliuttut ingerlatissavatit: Inuussutissarsiutit aningaasaqarnerat, kisitsisinik naatsorsueqqissaarneq, aaqqissuussaaneq, inuussutissarsiutit aningaasarsiornerannut periuseq, suliffimmi aningaasaqarnikkut aqutsineq, ukiumoortumik nalunaarusiorneq aamma naatsorsuutinik misissueqqissaarneq kiisalu suliniut soraarummeerutaasussaq.
Aningaasaqarnikkut aamma nukissaqarnikkut aqutsineq pillugu akademi-mi ilinniarnermi ilinniartunngorniaraanni suut piumasaqaataappat?
Aningaasaqarnermi isumalluutinillu aqutsisunngorniarnermi ilinnialerniaraanni, makkua atuarnerit naammassisimassavatit.
• MERX II
• Ilinniarnertuunngorsimanissaq Niuernermi aningaasaqarnermilu imaluunniit assigisai.
• NI1 (Juni 2019-mi atorunnaarpoq)
Piumasaqaatinik qulaani taaneqartunik naammassinnissimanngikkuit, piginnaasavinnik nalilersuiffigineqarnissaq imaluunnit immikkut akuerineqarnissaq pillugu qinnuteqarsinnaanermut periarfissaqarpoq.
Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik allatariasornermillu misilitsinnertaqarput, piviusumik aallaaveqarluni sammisamik suliaqarneq, allattariarsornikkullu inaarutaasumik militsinnertaqarluni.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniartitsineq qaammammi augustimi aallartissaaq
Neqeroortoq
Niuernermik Ilinniarfik/Grønlands handelsskole
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 5 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat.
Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq
Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2024/01/Studieordning-AU-IHM.pdf
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.