Aalasamik nersornaasiineq 2023
2007 Aasianni Maajimi Peqqissuusa aallartinneqarpoq. Aallartitsinermut pissutaavoq Aasianni nunaqqatigiit peqqinnarnerusumik siunertaqarlutik sammisasaqaqatigiinnissaat.
Aasianni Maajimi Peqqissuusami assigiinngitsorpassuit sammineqartarput. Soorlu ilaatigut, timersorneq, paasitsiniaaneq, oqalugiartitsinerit, erinarsornerit il. Il. Timersornerinnaq sammineqarneq ajorpoq pissutigalugu, peqatigiinneq, inussineq aamma immineq peqqinnartuummat.
Aasianni Maajimi peqqissuusa sunniuteqarluartarpoq. Soorlu assersuutigalugu siornatigut timmersornermik aallutaqarsimanngitsut ilaat massakkut timersornermik pinngitsuuisinnaajunnaarsimavoq, aammalu Aasianni Maajimi Peqqissuusa aqqutigalugu pujortarunnaartoqarsimasoq.
- Nersornaat Aaasiammiunut Kommune Qeqertalimmut tunngatilluinnarparput. Taama oqaluttuarluni aallartippoq Sørine Lennert Johansen. Imalu nangippoq: - Aasianni Maajimi Peqqissuusami suleqataalluni pissarsiaqarnartorujussuuvoq, inuppassuit attavigilertaratsigit, attavigisagullu isumaqatigiissuteqarfigisagut timitalersuillutik sulilertalutik, inuit nuannaartut soqutuginnittut isumassanillu tuniuaasut assut pissarsiffigisarpagut.
Soriinap aamma eqqaavaa aallartisarnialeramik siuttuusup Hanne Kristiansenip piumaaffigisimagaatik inunnik soqutiginnittunik piffissaqarluartunik attaveqarniaqqullugit. Tamannalu iluatsissimavoq.