Nalliuttorsiorneq nunaqqataasut kisimik peqataaffiginngilaat. Avataaniit tikerartorpassuupput. Nunaqarfik Ikamiut 81-inik innuttaqarpoq, taakkualu ilanngullugit avataaniit tikillutik nalliuttorsioqataasut katillugit 200 missarluinnaaniissimanissaat Nunaqarfimmi Aqutsisuni ilaasortaq Ole Johansen oqaluttuarpoq.
Assimi takuneqarsinnaavoq inuppaaluit ullorsiortut. Aasarissuup qeqqani nalliuttorsiorneq ingerlanneqarpoq. Meeqqaniit utoqqarnut nuannatsinneqarlutik.
Ulloq ima ingerlanneqarpoq
Ullaakkut nal. 8.00 aappalaartulerpungut. Qulinut naalagianeq, kingorna iliveqarfimmi kransiliineq tussiarnertalimmik.
Nal 12.00 arsaaffimmi kaffe, the kaagisuunneq nal. 13.00 tungaanut.
Nal. 18.00 nerersuaqatigiinneq piumasut oqaaseqarlutik. Aaqqissuisuniik Andreas Johansen tikilluaqqusereermat borgmester oqaaseqaqqaarpoq tulliani Nunaqarfimmi Aqutsisuni ilaasortaq ole Johansen. Unnuk nuannersumik naggaserneqarpoq qittannersuaqarluni. Mariina, Pavia Geisler, Inunnguaq Zeeb, Maasi Grønvold, Ikamiuniillu Marius Johansen appisimaarrallutik.
Unnuap qeqqa qummoroortarnersuaqarpoq.