Ullumi juulip ulluisa aallaqqaataani 2022 Mamarut Amassen ilinniartitsusutut ukiut 25-nngorlugit nalliuttorsiorpoq. Tamanna Gammeqarfik suleqatigalugu Kommune Qeqertaliup ataatsimiittarfiani nalliussineqarpoq – pissutissaqarluartumik.
Tassami aappariit Mamarut Amassen aamma Daana Reimer Geisler aalajangersimapput Mamarup nalliuttorsiornera eqqorlugu kikkut tamarmik piareersimaffiginngisaannik borgmesterimut katissallutik.
- Mamarup ilinniartitsisutut ukiunik 25-nngortorsiornera iluatsillugu katiffissatut aalajangersimallugu nulianngortoq Dana oqarpoq.
Borgmester Ane Hansen aperigakku isertorlutik katittunik naammattoorsereersimanersoq angerpoq, assullu uummallunnarisarlugit, qungujulluni oqarpoq.
Nulianngortup Danap angajua Sila aamma ukiut arlallit matuma siorna aamma kikkut tamarmik piareersimaffiginngisaannik borgmesterimut katinnikuuvoq. Taamaalilluni nukaata malippaa, aammami marluliaagamik.
Qaaqqusat Mamarup ilinniartitsisutut nalliuttorsiornerani najuukkiartorlutik iseramik katittorsiorlutik naggaserpaat.
Suli naluaat / De ved det ikke endnu
