Kommune Qeqertalik Aningaasaqarnermut sulisumik pissarsiorpoq
Kommune Qeqertalimmi suliaqarfiit pingaaruteqarnerpaat nutaaliornerpaaffiusullu ilaanni ineriartortitsinissamut piumassuseqarpit? Kommunerput pissanganartumik nutaaliaasumillu aaqqissuussaanikkut ilusilersugaavoq, taamaattumik atorfimmik suliamut tunngatillugu aammalu minnerunngitsumik inuttut ineriartorfigisinnaasannik, neqeroorfigisinnaavatsigit.
Kommune Qeqertalimmi aningaasaqarnermut immikkoortortaqarfitsinni aningaasaqarnermut sulisumik 1. januar 2027, imaluunniit isumaqatigiissuteqarneq naapertorlugu sulisussarsiorpoq.
Atorfik Aasianni inissisimavoq.
Suliassaqarfiit makkuupput:
- Naatsorsuutinik assigiinngitsunik nakkutiginninneq aamma malitseqartitsineq
- Naqiterineq
- Suleriusiortarnernut suliaqarnernut peqaataaneq
- Kreditorinik naligiissaarineq
- Statuskontonik aamma bankkontit naligiissaarineq
- missingersuutinik, missingersuutinik malitseqartitsinermik aamma naatsorsuutinik suliaqarneq
Ilimasuutigaarput:
-naatsorsuutilerinermut aningaasaqarnermullu tunngasunik naleqquttumik imaluunniit assingusumik ilinniagaqartutit
-pisortat suliffiutaanni allaffissornikkut sulianut ingerlatsinermut ilisimasaqartuusutit aammalu sulianut ingerlatsinermut tamakkiisumik isiginnissinnaassuseqartuusutit,
-Kalaallisut aamma qallunaatut oqaatsinik pisinnaasaqarluartuusutit, allattariarsornikkut aamma oqaluttariarsornikkut.
Pingaartipparputtaaq:
-Inuttut inussiarnersuussasutit, suliniuteqarluartuusartutit aammalu isumagissaarluartuusartutit,
-torersumik suleriaaseqartuunermik piginnaassuseqassasutit,
-nammineersinnaassuseqartutit aamma suleriaatsimi ulapaartoqarfiusumik pisoqartillugu tamakkiisumik isiginnissinnaassuseqartut,
-Pisortaqarfinni aaqqissuussaasut assiginngitsut akimorlugit suleqatiginnissinnaanermik pisinnaasaqartut aamma tamakku akimorlugit suleqatiginninnissamut piumassusseqartuusutit.
Akissaatinut atorfinitsitaanermullu tunngatillugit atugassarititaasut:
Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarnermut pisinnaatitaaffiit, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Malittarisassat qaqugukkulluunniit atuuttut naapertorlugit atorfimmut atatillugu inissaqartitsisoqassaaq, malittarisassallu qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: [email protected].
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Qinnuteqaat:
Qinnuteqaat Aningaasaqarnermut sulisumik ilisarnaasigaq, ilinniagaqarsimanermik, siornatigullu sulisimanermik paasissutissartalik, soraarummeersimanermut uppernarsaatitalik, ilaalu ilanngullugit, qinnuteqaateqarnissamut piffissarititaasup qaangiutinnginnerani ulloq 23. november 2026 Kommune Qeqertalimmit tiguneqareersimaneqassaaq.
Atorfik pillugu annertunerusumik paasiniaasoqarsinnaavoq, uunga saaffiginninnikkut immikkoortortami fg.aqutsisoq Ole Albinus, tlf. +299 387077, e-mail; [email protected]
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit [email protected] attavigiuk.
Qinnuteqaativit tigunissaanut qilanaarpugut.