Borgmesteri Audo Lyngep atuarfianut pulaarpoq
Pulaarneq sisamanngornermi 19. november nalunaaqutaq ataatsinut ingerlanneqarpoq.

Borgmesteri Audo Lyngep atuarfianut pulaarpoq
Pulaarneq sisamanngornermi 19. november nalunaaqutaq ataatsinut ingerlanneqarpoq.
Borgmesteri pulaarnermini ineqartunit sulisunillu ilassilluarneqaqaaq, ineqartut pulaartoqarnissaminnut piareersarsimapput, Uiloq titartakkaminik borgmesterimut tunissuteqareerami taalliani juullerpaluttoq kitaarerluni attortinnaqisumik erinarsorpaa, kinguninngua Qunaaq kitaarertuliullugu Juullissamut qilanaarneq erinarsorneqarpoq, Hansilu tusarneqisumik pattalluni tusarnaartitsivoq.
Taakku pereermata Ado Lyngep atuarfiani pisortaq Aviâja Schmidt Petersen tullersortaalu Aqqalu Siegstad borgmesterip ataatsimeeqatigai, ataatsimiinnermi oqaluuserineqarpoq Ado Lyngep Atuarfiata aamma Kommune Qeqertaliup suleqatigiissutigisinnaasai.
"Borgmesteritut pingaartippara Kommune Qeqertalimmi suliffeqarfiit kommunip ataaniinngikkaluartut kommunitsinniittulli qanimut naapillugit oqaloqatigissallugit, arlaatigummi suleqatigiissuteqarsinnaaneq ammajuaannarpoq, tamakkulu oqaloqatigiittarnikkut ingerlanneqarsinnaalluarput. Sulisut najugaqartullu tuppallernaqaat iseruminarlutillu tikilluaqqusinerat kissalaamik tunisivoq. Suleqatigiinnissarlu isumalluarfigaara." taama oqarpoq Kommune Qeqertalimmi borgmesteri Simigaq Heilmann
