Assartuussinermut angallannermullu tunngatillugu Kommune Qeqertalimmi borgmesteri allakkanik ammasunik naalakkersuisunut marlunnut allagaqarpoq
Allakkat ukununnga:
Ineqarnermut, Attaveqaasersuutinut Isorliunerusunut Upalungaarsimanermullu Naalakkersuisoqarfik aamma Inuussutissarsiornermut Aatsitassanullu Naalakkersuisoqarfik

Assartuussinermut angallannermullu tunngatillugu Kommune Qeqertalimmi borgmesteri allakkanik ammasunik naalakkersuisunut marlunnut allagaqarpoq
Assartuussinermut angallannermullu tunngatillugu Qeqertarsuup Tunuani pissutsit pillugit Naalakkersuisunut allakkat ammasut
Kommune Qeqertalimmi Borgmesteritut pissutsit allanngoriartorneri arajutsisimanngilakka, sikusarnerup kingusinneruleriartornera periarfissanik nutaanik atorluaanerunissamik naleqqussarnissamillu takutitsivoq. Sikusarnerata allanngorneranik siornatigornit inuussutissanik friskiunerusunik niivertarfiit pilersuisuinnaaneruleqqapput, kiisalu imaatigut inunnik angallassineq Sarfaq Ittuk eqqarsaatigalugu sivisunerusinnaagaluarpoq.
Naalakkersuisumut kaammattuutigerusuppara kiffartuussinissamut isumaqatigiissummik aaqqiinikkut periarfissanik atorluaanissamik eqaannerusumillu aaqqiissuteqarnissamik isumaqatigiissuteqarnissaq. Ingerlatsiviit kiffartuussisussaanerat inuiaqatigiinnut tulluarsartuaannartariaqarpoq. Taamaammat sikujaartarunnaarnera atorluarneqartariaqartoq isumaqarpunga.
Royal Arctic Linep sullissinera eqqarsaatigalugu niivertarfiit nioqqutissanik amigaateqartarnerat akuttunngitsumik innuttaasunut malunniuttarpoq, ukiunilu kingullerni malunnartumik anneruleriartortoq. Taamaattumik kajumissaarutigissavara silaannap pissusaanut kiisalu sikunngittoortarneranut naapertuunnerusumik pilersaarusiorneq ingerlaavartumik nalilersorneqartassasoq.
Taamatuttaaq Arctic Umiaq Linemut tunngatillugu periarfissat misissoqqinneqarnissaat kissaatigaara. Qeqertarsuup Tunuani angallanneq eqqarsaatigalugu ukiup aallartinnerani angalanissat sivisunerpaamik ingerlaannarsinnaanerat innuttaasunut iluaqutaasinnaavoq, pingaartumik kingusinnerusukkut aatsaat sikusassagaangat.
Suliniutinik pisariaqartunik qulakkeerinnittoqarnissaa aammalu ingerlatseqatigiiffiit inuiaqatigiinnut kiffartuussinissamik pisussaaaffii naammassineqarnissaat eqqarsaatigalugit.
