Aallaasinik piniutinik eqqussineq annissinerlu
Nalinginnaasumik paasissutissiineq
Nalinginnaasumik paasissutissiineq
Eqqussineq
Aallaasit piniutit eqittaannartakkat tamarmik Kalaallit Nunaannut eqqunneqarsinnaallutillu paarineqarsinnaapput, taamaammallu akuersissummik peqarnissaq piumasaqaataanngilaq.
Taamaattorli dansk-it nunanilu allani oqartussat nunanit taakkunannga aallaammik annissisinnaalersinnak Kalaallit Nunaannut aallaammik eqqussinissamut akuersissummik peqarnissat piumasarisarpaat.
Annissineq
Kalaallit Nunaanniit aallaammik piniummik annissisinnaavutit, akuersissutilli sorleq piniarnissaanut suna siunertaanersoq apeqqutaavoq.
Piumasaqaatit
Piumasaqaatit
Eqqussineq
Kalaallit Nunaannut aallaammik eqqussiniaruit akuersissummik peqassaatit:
• Nunani allani aallaammik piniummik pisiguit
• Danmark-imiit imaluunniit nunanit allaniit Kalaallit Nunaannut nuukkuit aallaammillu piniummik nassataqaruit
Annissineq
Aallaammik piniummik Kalaallit Nunaanniit annississaguit, annissinermi siunertaasoq aallaavigalugu, politiiniit akuersissummik imaluunniit oqaaseqaammik pissarseqqaassaatit:
• Danmark-imut imaluunniit nunamut allamut nuunniaruit, annissinissamut akuersissummik peqassaatit
• Nunani allani sunngiffeqarlutit angalaninni aallaammik piniummik nassataqarniaruit, akuersissummik peqarnissap pisariaqannginnera pillugu oqaaseqaammik peqassaatit
Qinnuteqarneq
Qinnuteqarneq
Eqqussineq
Aallaammik annissinissamut qinnuteqarniaruit, una immersugassaq immersussavat.
Aallaammik eqqussinissamut qinnuteqarnissamut immersugassaq
(Immersuiffissaq taamaallaat dansk-isut allassimavoq)
Immersugassaq immersorneqarsimasoq politiinut tunniussinnaavat nassiulluguluunniit. Immersugassaq aamma politiinut e-mail-ikkut nassiussinnaavat uunga [email protected]. E-mail-i immersugassami aamma takuneqarsinnaavoq.
Annissineq
Aallaammik annisserusullutit qinnuteqarusuppit, una immersugassaq immersussavat.
Aallaammik annissiniarnermut qinnuteqarnissamut immersugassaq
(Immersuiffissaq taamaallaat dansk-isut allassimavoq)
Immersugassaq immersorneqarsimasoq politiinut tunniussinnaavat nassiulluguluunniit. Immersugassaq aamma politiinut e-mail-ikkut nassiussinnaavat uunga [email protected]. E-mail-i immersugassami aamma takuneqarsinnaavoq.
Najoqqutassat
Najoqqutassat
Malugiuk
Aallaammik eqqussinissamut imaluunniit annissinissamut qinnuteqarninniit sapaatit akunneri marluk ingerlasinnaammata akuersissutip pinissaanut.
Naammagittaalliuut
Naammagittaalliuut
Kalaallit Nunaata Politiivisa aalajangiissutaa maalaarutigineqarsinnaanngilaq, tak. § 11 sakkut pillugit Kalaallit Nunaanni inatsisit.