Inuiattut ullorsiorneq – Nalinginnaasumik paasissutissiineq
Inuiattut ullorsiorneq – Nalinginnaasumik paasissutissiineq
Inuiattut ullorsiorneq – Nalinginnaasumik paasissutissiineq
Kalaallit Nunaanni inuiattut ullorsiorneq siulleq pivoq 1985-mi juni-p 21-anni, tamatuma ilutigisaanik Kalaallit Nunaat namminerisaminik erfalasortaarpoq. Kalaallit Nunaanni Inuiattut ullorsiorneq innuttaasunut tamanut sulinngiffiusarpoq. Inuiattut ullorsiorneq inoqarfinni tamani pisortatigoortumik aaqqissuussinikkut nalliussineqartarpoq, assersuutigalugu:- Erfalasumik amusinikkut
- Oqalugiarnikkut
- Erinarsoqatigiit erinarsornerisigut
- Naalagiarnikkut
- Kaffisoqatigiinnikkut
- Assigiinngitsunik kulturikkut aaqqissuussinertigut
Namminersorlutik Oqartussat kommunillu peqatigiiffiit allallu soqutigisaqartut suleqatigalugit inuiattut ullorsiornermi aaqqissuussassat pilersaarusiortarpaat ingerlannerallu isumagalugu. Aaqqissuussinerit sumiiffiit ilaanni ulluni arlaqartuni sivisussuseqarsinnaasarput.