Timmisartuni mekanikeri

Ilinniagaq pillugu

Timmisartunik qulimiguulinnillu suliaqarnermik sinnattut piviusunngortiguk! Timmisartuni teknikerinngorit taamatullu assersuullugu F16, Airbus A380 aamma Chinook-inik suliaqartalerlutit. Ilinniarneq Nuummi aammalu Hvidovrimi ingerlassinnaavat taamatullu suliffeqarfimmik pissanganaqisumi ilaalerlutit tassuunalu nunarsuarmi timmisartunik pikkunarnerpaanik suliaqartalerlutit.

Ilinniarneq aallaavittut ukiuni 4½ sivisussuseqarpoq tassani tunngaviusumik ilinniarneq ilalluni taavalu Air Greenlandimi suliffimmik misiliinermik aammalu Hvidovrimi TEC-imi ilinniarnermik paarlakaajaannertalimmik ingerlanneqassalluni.

Ilinniarneq Nuummi ilisarititsinerusumik aallartinneqassaaq, taassumalu kingunerani Hvidovrimi TEC-mi sapaatip akunnerinik 20-nik sivisutigisumik tunngaviusumik ilinniarnertaqassalluni. Kingusinnerusukkut atuarnerit sapaatip akunneranik 10-nik sivisussusillit 6-t ingerlanneqassapput, 1 sapaatip akunneri 7-nik sivisussusilik, 1 sapaatip akunnerinik 8-nik sivisussusilik aammalu 5 sapaatip akunneri 9-nik sivisussusilik ingerlanneqassapput taakkualu tamarmik misilitsinneqartussaallutik.

Atuarfimmi ilinniagassat: Ilaanni Aerodynamikki, motorit, timmissartup saneqaataa aammalu timmisartup atortorissaarutai. Aamma uku ilinniagassat sammissavatit dansk, engelsk, fysik matematik aamma elektronikki

Suliffimmik misiliinerit Air Greenlandip hangariani, komponentværkstediani, motorværkstediani, elektronikværkstediani aammalu pladeværkstediani sulisitsisunik pitsaaqqissaartunik aqunneqartunit ingerlanneqarumaarpoq

Piumasaqaat

• GU naammaginartumik naammassisimanissaa imaluunniit tunngaviusumik TECS-imi ilinniarneq nammineq naammassisimanissaa
• Pinerluuteqarsimannginnermut uppernarsaat

Attaveqaatitigut qinnuteqaatit nassiunniarukku (MitID-eqaruit)

Ornigullutit qinnuteqaatit tunniukkiartorniarukku (MitID-eqanngikkuit)

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Suliamik sullissinermut suleriaaseq

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Paasissutissat pisariaqartut

Ilinniarnermik aallartiffik
Ilinniarneq augustimi aallartittarpoq

Neqeroortoq
Air Greenland aamma TEC

Aningaasaqarneq
Flymekanikerlærlingit aspirantitut Air Greenland-imi akissarsiassanut naleqqussakkat naapertorlugit akissarsiaqartarput.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Siunissami periarfissat/suliffissat
Timmisartut aamma timmisartoqarfiit silarsuaanni sulisinnaalissaatit. Ilinniarfik una ilinniariaqqinnissanut arlalinnut ingerlariaqqititsisinnaavoq. 

Ilinniarnermut pilersaarut
Uani paasisaqarnerusinnaavutit: https://www.airgreenland.dk/om-os/uddannelse/flymekaniker/ aamma https://tec.dk/erhvervsuddannelser/flytekniker/

Maalaaruteqarneq

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.