Film aamma TV-produktionsteknikeri

Ilinniagaq pillugu

Film aamma TV-produktionsteknikeri filmiliornermi imaluunniit tv-mut pilersitsinermi piffinni tamani ilaasarpoq. Pilersitsinissamut pilersaarusiornermiit teknikkikkut atortorissaarutinik aaqqissuinikkut aammalu inaarutaasumik suliaqarnermi suliaqaqataassaatit.
Film aamma TV-produktionsteknikerisut ilinniakkami uku ilinniagarissavatit:

Filmini tv-nullu pilersitsinermi teknikkitaatigut tassa assiliivitigut, nipilerinikkut, qullilerinikkut aammalu inaarutaasumik killuinermi ilinniagaqarfigissavatit.
Oqaluttuarsinnaanermi aammalu oqaluttualikkersaannermi pitsaanermik oqaluttuarsinnaanissamut ilisimasaqarnerulissaatit.
Filminik tv-nullu pilersitsinermi ingerlariaatsit assigiinngitsut ilinniarfigissavatit: Pilersitsilernerup siuliani, immiussinermi aammalu immiussereernerup kingorna sulianik.
Nalunngiliuk Film aamma TV-produktionsteknikerisut

assitigut eqqumiitsuliornerup silarsuaatigut isummatit isumassarsiatillu aniatissinnaallugit?
Sulilerfissat assigiinngitsut ass. film, tv aamma ussassaarutikkut namminersortutut suliaqarsinnaajumaarlutit?
Suleqatinik amerlasuunik assigiinngitsunik piginnaasalinnik qanimut suleqaterpassuaqarsinnaaneq?

Piumasaqaat

Tunngaviusumik ilinniarneq 1-imut tigusaanissamut piumasaqaatit

9. imal. 10. klasse-mit toqqaannartumik tunngaviusumik ilinniarneq 1-imut tigusaanermi inuussutissarsiutigalugu ilinniarnerit aallartissavat.

Tunngaviusumik ilinniarneq 1-imut aallartitsiniarnermi meeqqat atuarfianni angusillutit naammassinnissimasariaqarputit. Danskimi Matematikkimilu naammassinninnermi misilitsinnermi inaarutaasumik 02 angusimasariaqarpat.
________________________________________

Tunngaviusumik ilinniarnermut 2-mut tigusaanissamut piumasaqaatit

Meeqqat atuarfianit naammassinninnerniit ukiup affaa qaangiutereersimappat tunngaviusumik ilinniarnermut 2-mut aallartissinnaavutit.

Tunngaviusumik ilinniarnermut 2-mut ingerlaannaq aallartitsiniaruit Dansk aamma Matematik angusiffigalugit naammassinniffigisimasariaqarpatit.

Suliffeqarfimmik ilinniarfissatut isumaqatigiissuteqaruit ilinniarnermut inissamik qulakkeerinnissaatit.

Ilinniarfissannut ilinniarnissamut isumaqatigiissuteqaatit nassiuguk.

Tunngaviusumik ilinniarnermut 2-mut immikkut inissaqartitsinertaanut qinnuteqarit

Ilinniarnermi tunngaviusumik ilinniarnermi 2-mit immikkut inissaqartitsinikkut ilinniarneruvoq

Tamanna isumaqarpoq ilinniarnermi inissat killeqartuusut taamaammallu ilinniarnermut qinnuteqarniaruit siammasissumik qinnuteqartariaqassasutit.

Attaveqaatitigut qinnuteqaatit nassiunniarukku (MitID-eqaruit)

Ornigullutit qinnuteqaatit tunniukkiartorniarukku (MitID-eqanngikkuit)

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Suliamik sullissinermut suleriaaseq

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit

Paasissutissat pisariaqartut

Ilinniarnermik aallartiffik
Ilinniarneq januar aamma augustimi aallartittarpoq

Neqeroortoq
Next KBH imaluunniit Media College Denmark

Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.

Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.

Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.

Ilinniarnermut pilersaarut
Uani paasisaqarnerusinnaavutit: https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen

Maalaaruteqarneq

Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.