Ineqarnermut tapiissut

Ineqarnermut tapiissut

Ilinniariasimatillutit ineqarninnut akliliutinnik, kollegiami ineqarnermut alikiliutit annertoqatigippagu, matussusiiffigineqarsinnaavutit:

• ilinniariarneq qaammatinik 6-nik sivikinneruppat
• kollegiami ineqarfimmiluunniit Ilinniagaqarnersiutinik Aqqutsisoqarfiup innersuussaanik najugaqaruit
• namminerisamik najugaqaruit tamannalu sumi najugaqarnermik uppernarsaat atorlugu, attartornermik isumaqatigiissummik akuerisaasumik, piginneqataassutsimut uppernarsaat illumilluunniit pigittuusutut uppernarsaat atorlugu uppernarsarsinnaagukku

Qinnuteqarluni immersugassaq uani tigussavat

Paasissutissat nalinginnaasut

Ilinniariarsimaguit ineqarnermut akiliutit ilinniartut inaanni ineqarnerup akeqqataannik matussusernissaanut qinnuteqarsinnaavutit, aatsaalli:

• Illit ilinniariarnerit imaluunniit suliffimmik misiliiartornerit qaammatinit arfinilinnit sivikinneruppat,
• Illit ineqarnermut aningaasartuutitit uppernarsarsinnaagukkit, aamma
• Illit Kalaallit Nunaanni najugaqarfigisanni namminerisamik angerlarsimaffimmik pilersitsisimaguit attassillutillu, najugaqarnermut uppernarsaammik aamma attartornissamut isumaqatigiissummik akuerisaasimaguit, piginneqataanermut uppernarsaammik imaluunniit illumik piginnittuunermut uppernarsaaserneqarsimasumik. Namminerisamik angerlarsimaffik angajoqqaat najugaqarfiannit immikkuussaaq, aningaasaqarnikkullu namminersortuussalluni.

 

Qinnuteqarnissamut piumasaqaatit

• Illit Kalaallit Nunaanni najugaqarfinni angerlarsimaffimmik namminerisamik pilersitsisimaguit attassillutillu
• Illit inissaqartitsinermut aningaasartuutitit uppernarsarsinnaagukkit
• Illit ilinniariarnerit imaluunniit suliffimmik misiliiartornerit qaammatinit arfinilinnit sivikinneruppat

 

Akigititat

Qaammammut annerpaamik 869 kr.-mik ineqarnermut tapiissutisiaqarsinnaavutit.

Ornigullutit qinnuteqaatit tunniukkiartorniarukku (MitID-eqanngikkuit)

Ilinniartut ineqarfiini ineqarnermut tapiissummik qinnuteqarniaruit pappialanngorlugu tunniukkusullugu immersugassamik immersuissaatit.

"Maana qinnuteqarit" sungaartoq toorneratigut:

• “Immersoruk anisillugulu” toqqassavat, immersugassaq attaveqaatitigoortumik immersoriarlugu pappiaranngorlugu anisikkusukkukku (MitID pisariaqanngilaq)
• “Anisiguk” toqqassavat, immersugassaq pappiaranngorlugu aniseriarlugu assammik allallutit immersoriarlugu, immersoreerukku tunniukkiartussagukku (MitID pisariaqanngilaq)

Qinnuteqaatinnut ukua ilanngutissavatit:

• Inimik attartornissamut isumaqatigiissut
• Najugaqarnermut uppernarsaat

Immersugassaq immersoriigaq Kalaallit Nunaanni ilinniarfissannut tunniutissavat, ilinniarnerit Qallunaat Nunaaniippat Kalaallit Illuanut nassiutissavat..
Ilinniarfissat illoqarfimmi allamiippat immersukkat najukkanni Majoriamut tunniukkiartussavat.

Suliamut ingerlatseriaaseq

Ilinniarfissat imaluunniit Kalaallit Illuat qinnuteqaatinnik tigusaqaruni qinnuteqaatit suliarissavaa ilinniartunullu nalunaarsuiffimmut allallutit.

Qinnuteqarnerit pillugu mailikkut imaluunniit allakkatsigut akissutisiumaarputit.

• Akuersissuteqarfigineqarnermi
  Ilinniartut ineqarfiini ineqarnermut tapiissutinnannissamut piumasaqaatit naammassisimagukkit e-mailikkut allakkatigulluunniit allagarsiumaarputit.
  
  
• Itigartinneqarnermi
  Piumasaqaatit naammassisimanngikkukkit ilinniartut ineqarfiini ineqarnermut tapiissutisinissamut itigartinneqassaatit.
  Itigartitsissuteqarnermi allagarsiannut maalaaruteqarnissamut najoqqutassaq ilanngunneqarumaarpoq.

Ilinniartut ineqarfiini ineqarnermut tapiissutisiaqarnissamut qinnuteqaatit ullut suliffiusut qulit missaanni suliarineqassaaq.

Allannguutit

Ilinniarfissat imaluunniit Kalaallit Illuat inuuninni arlaannik allanngortoqartillugu paasissutissiinissannut pisussaaffeqarputit.

Piffissaliussat

Ukioq kaajallallugu ilinniagaqarnersiutinik qinnuteqarsinnaavutit kisianni ilinniariarnerup suliffimmilluunniit misiliinerup aallartinnginnerani ilinniartut ineqarfiini ineqarnermut tapiissutit qinnuteqassaatit, pissutigalugu ilinniariarnerit suliffimmilluunniit misiliinerit naammassigukku tapiissutit kingumut atuuttumik pisinnaannginnakkit.

Maalaaruteqarneq

Ilinniarfissatut qinnuteqarfivit qinnuteqarninnut suliarinninnera pillugu maalaaruteqarnissamik pisussaaffeqarputit.

Maalaarutit aalajangiisoqarneraniit sap.ak. 6 qaangiutsinnagit nassiutissavat.
Maalaaruteqarnerit mailikkut uunga nassiutissavat [email protected]

Maalaaruteqarninni ilanngussassat:

• Aalajangiussamut maalaaruteqarnerit tunngavilersorlugu allagaqarit.
• Uppernarsaatit pisariaqartut soorlu itigartinneqarsimanermut allagarsiat kakkiutikkit.