CITES tassaavoq uumasunik naasunillu nungutitaanissamut navianartorsiortitaasunik nioqquteqarnerup nalunaarsornissaannut nakkutigineqarnissaannillu nunarsuarmiut isumaqatigiissutaat. CITES-imi uumasut naasullu nungutitaanissaminnut ulorianartorsiortut allattorsimaffinnut pingasunut immikkoortiterneqartarput: I, II aamma III. Allattorsimaffik I-miittut ulorianartorsiornerpaapput annissinissamullu eqqussinissamullu inatsisinik sakkortunerpaanik malittarisassaqarluni.
CITES-ip allattugaataanni Kalaallit Nunaanni uumasut naasullu 30-it missaat allattorsimaffianniipput.
Kalaallit Nunaanni najugaqaruit uumasunillu nungutitaanissaminnut ulorianartorsiortunik annissiniarlutit, taava aalajangersimasunik malittarisassaqarpoq, taamatuttaaq nassiussiniaruit imaluunniit nassarniaruit akuersissutit suut pisariaqartinneritit malittarisassaqarpoq.
Ullut 185-it sinnerlugit nunatsinni adresse-qarsimaguit taava nunatsinni najugaqavissutut taaneqarsinnaavutit.
Kalaallit Nunaanni najugaqaruit uumasunillu nungutitaanissaminnut ulorianartorsiortunik annissiniarlutit, taava aalajangersimasunik malittarisassaqarpoq, taamatuttaaq nassiussiniaruit imaluunniit nassarniaruit akuersissutit suut pisariaqartinneritit malittarisassaqarpoq.
Ullut 185-it sinnerlugit nunatsinni adresse-qarsimaguit taava nunatsinni najugaqavissutut taaneqarsinnaavutit.
| Uumasut CITES-imit illersorneqartut |
CITES-imit akuersissut |
Anniseqqusaanngilaq |
Killilersorneqanngilaq |
| Allattorsimaffik I-imi uumasut |
|
|
| Tikaagulliusaaq |
|
X |
|
| Arfivik |
|
X |
|
| Nattoralik |
|
X |
|
| Kigutilissuaq |
|
X |
|
| Qipoqqaq |
|
X |
|
| Tunup tikaagullia |
|
X |
|
| Allattorsimaffik II-imi uumasut |
|
|
| Niisarnaq (anniseqqusaanngikkallarpoq) |
|
X |
|
| Qilalugaq qaqortaq (unitsinneqarallarpoq) |
|
X |
|
| Nanoq (unitsinneqarallarpoq) |
|
X |
|
| Niisa (anniseqqusaanngikkallarpoq) |
|
X |
|
| Qilalugaq qernertaq (unitsinneqarallarpoq) |
|
X |
|
| Aarluk (unitsinneqarallarpoq) |
|
X |
|
| Kitaata tikaagullia |
X |
|
|
| Allattorsimaffik III-imi uumasut |
|
|
|
| Aaveq |
X |
|
|
| CITES-imut ilaanngitsut |
|
|
|
| Puisit |
|
|
X |
| Tuttu |
|
|
X |
| Umimmak |
|
|
X |
| Sava/savaaraq |
|
|
X |
CITES-imi Allattorsimaffik I
CITES-imi Allattorsimaffimmi I-miittut tassaapput uumasut naasullu ulorianartorsiornerpaasut. CITES uumasunit naasuniillu taakkunannga pisunik nunani tamalaani nioqquteqarneq inerteqqutigaa, ima paasillugu uumasunik naasunillu pineqartunik annissinissaq tunngaviatigut inerteqqutaavoq.
Kalaallit Nunaanni CITES-imut allaffik immikkut ittumik pisoqartillugu annissinissamut akuersissummik tunniussisinnaavoq, annissinissamut siunertarineqartoq niuernermik tunngaveqanngippat. Assersuutigalugu ilisimatuutut misissugassaasinnaavoq, imaluunniit nammineq pigisaalluni imaluunniit pequtitut ilaatut.
Eqqissisimatitaalluinnartut aamma tuniniaaneq
Uumasut naasullu eqqissisimatitaalluinnartut tassaapput uumasut naasullu ukiup qanoq ilineratigulluunniit piniarneqaqqusaanngitsut imaluunniit katersorneqaqqusaanngitsut.
Uumasunik naasunillu eqqissisimatitaalluinnartunik, taakkuluunniit ilamernginik, niueruteqarneq, inerteqqutaavoq, aamma nunatta iluani. Ima paasillugu, assersuutigalugu kigutilissuup kigutaanik Kalaallit Nunaanni pisinissaq imaluunniit tuniniaanissaq inerteqqutaavoq.
Uumasunilli eqqissisimatitaalluinnartunik imaluunniit taakku ilamernginik pigisaqarneq inerteqqutaanngilaq.
CITES-imi Allattorsimaffik II
CITES-imi Allattorsimaffimmi II-miittut tassaapput uumasut naasullu maannakkut ulorianartorsiunngitsut, niuernerli assartuinerlu nakkutigineqaqqissaanngippata ulorianartorsiulersinnaasut. Uumasunit Allattorsimaffik II-meersunik nunani tamalaani niueruteqarneq assartuinerlu akuerineqarsinnaavoq annissinissamut akuersissummik imaluunniit annisseqqinnissamut allagartamik tunniussisoqarneratigut.
CITES naapertorlugu uumasunut pineqartunut eqqussinissamut akuersissuteqarnissaq tunngaviatigut pisariaqanngilaq. Maluginiarneqassaarli eqqussinissamut akuersissut nunat ilaanni CITES-ip piumasaqataanit sukannernerusunik malittarisassaqartitsisuni pisariaqarmat.
CITES-imi Allattorsimaffik III
Uumasut CITES-imi Allattorsimaffimmi III-miittut tassaapput nunani tamalaani isumaqatigiissummi nunat ilaasortaasut arlaata, uumasunik niueruteqarnermut maleruagassioreersimasup noqqaassuteqarneratigut ilanngunneqarsimasut, nunalu pineqartoq unioqqutitsilluni imaluunniit piujuartitsinermik tunngaveqanngitsumik atuisoqarnissaanik pinngitsoortitsinissamut nunanik allanik suleqateqarnissaminik pisariaqartitsisoq.
Uumasunik Allattorsimaffinni II aamma III-miittunik annissisarnermik unitsitsineq
Uumasut CITES-imi Allattorsimaffinni II aamma III-miittut uumasunillu pineqartunik Kalaallit Nunaanni piniarneq piujuartitsinissamik tunngaveqassaaq, uumasut pineqartut ilamernginik annissuinissaq akuerineqarsinnaassappat.
Kalaallit Nunaat taamaalilluni pisussaaffeqarpoq annissisarnermik unitsitsigallassalluni:
1) Kalaallit Nunaanni uumasut pineqartut piniagaanerat piujuartitsiviunngitsutut nalilerneqarpat, aamma
2) uumasut pineqartut ilamernginik annissuineq uumasunut pitsaanngitsumik sunniuteqarsinnaappat.
Annissisarnermik unitsitsigallarnerup kingunerisaanik nioqqutinik nunanut allanut nassiussisinnaanngilatit, ilaatigut assersuutigalugu Danmarkimut. Uumasunit Allattorsimaffinni II aamma III-miittunit nioqqutinik Kalaallit Nunaata iluani tuniniaasoqarsinnaanera atuutiinnarpoq.
Piujuartitsinermut nalunaarutit
Pinngortitaleriffik Kalaallit Nunaanni CITES-imut ilisimatusarnikkut oqartussaasuuvoq uumasunullu CITES-imit illersorneqartunut piujuartitsinermut nalunaarutinik suliaqartuulluni. Tamanna pillugu Pinngortitaleriffiup nittartagaani paasisaqarnerusinnaavutit.
CITES-imi Allattorsimaffik I
Nunatsinni najugalittut pequtinik nassiussinermut atatillugu uumasunik Allattorsimaffimmi I-miittunik sanaanik annissisinnaavutit. Taamatut pisoqartillugu makkuninnga piniassaatit:
- CITES annissinissamut akuersissut Kalaallit Nunaanneersoq
- CITES eqqussinissamut akuersissut nunamit nuuffigisanneersoq
CITES-imi Allattorsimaffik II III-milu
Kalaallit Nunaanniit nuussaguit allattorsimaffik II-meersut aamma III-meersut CITES-imit akuersissummik peqqaanngikkaluarlutit pequtinut ilanngullugit nassarsinnaavatit. Malugiulli nutsernermi pisattat inuup namminiinnaq atugassatut pigissavai, aamma nassatat tuniniaqqusaanngimmata tunissutitullu tunniuteqqusaanatik.
Pequtinik nassiussinermi
Nassiussiniaruit pisariaqartissavat:
• Najugaqarnermut uppernarsaat, nunatsinni ulluni 185-ni najugaqarsimaninnut uppernarsaatissat
Timmisartorlutit angalaninni nassarniaruit pappiaqqat pisariaqartissavatit:
• Najugaqarnermut uppernarsaat, nunatsinni ulluni 185-ni najugaqarsimaninnut uppernarsaatissat
• Nuunermi nalunaarut, nunatsinnit nunamut allamut nuunninnut uppernarsaat
Nunatsinniit annissineq
Uumasunit nungutitaanissaminnut ulorianartorsiortunit CITES-imi Allattorsimaffik I-meersut sanaanik nunatsinniit annissiniaruit qinnuteqamik immersueriarlutit, CITES-ip allaffianut Pinngortitamut Avatangiisinullu Naalakkersuisoqarfimmiittumut nassiutissavat uunga mailimut: cites@nanoq.gl
CITES-mut qinnuteqaat immersugassaq uani aasinnaavat: Avammut annissinissamut akuersissummut qinnuteqaat
CITES-mut qinnuteqaat allattorsimaffik I-meersunik pigisanik nassiussinermi, tunissutissanik tunniussassanik nassarnermi, allakkerivikkut nassiussinermi neqinillu nassiussinermi atorneqassaaq. Eqqaamallugu kakkiutissagakku najugaqarnermut uppernarsaat, paasissutigissallugulu qaqugukkut nuussanerlutit qanorlu anninniagaq pigisaq qanoq pissarsiarisimanerlugu.
Malugiuk
Eqqaamallugu qinnuteqajaarnissat, CITES allattoqarfianut CITES-imit akuersissummik pissarsinissaq sapaatit akunneriniik sapaatit sisamat tikillugit sivisussuseqarsinnaammat.
Nunanit allanit eqqussinissamut akuersissummik pisariaqartitsinermi, nammineq akisussaaffigissavat qinnuteqarfissamik pissarsinissat akuersissummillu pissarsinissat.
Saaffissaq
Inuttaasut suliffeqarfillu CITES-ip Allaffia attaveqarfigisinnaavat mailikkut: cites@nanoq.gl
CITES-ip Allaffiata adresserivaa: Imaneq 1A, Postboks 1614, 3900 Nuuk, Kalaallit Nunaat.
Naalakkersuisoqarfik pillugu uani nittartakkami atuarsinnaavat: Pinngortitamut Avatangiisinullu Naalakkersuisoqarfik.
Danmarkimut eqqussineq
Uumasunit nungutitaanissaminnut ulorianartorsiortunit CITES-imi Allattorsimaffik I-meersut sanaanik Danmarkimut eqqussiniaruit Styrelsen for Grøn Arealomlægning og Vandmiljø-p qinnuteqaateqarfia aqqutigalugu qinnuteqassaatit uani linkimi: Ansøgning
CITES-mut qinnuteqarfik allattorsimaffik I-meersunik pigisanik nassiussinermi, kiisalu mattammik neqinillu nassarnermi atorneqassaaq – qinnuteqarfik danskisuinnaq allassimavoq. Eqqaamallugu CITES-imut annissinissamut imaluunniit annisseqqinnissamut akuersissut ilanngunnissaa.
Malugiuk
Eqqaamallugu qinnuteqajaarnissat, Styrelsen for Grøn Arealomlægning og Vandmiljø-mut CITES-imit akuersissummik pissarsinissaq sapaatit akunnerit sisamaniit arfineq-pingasut tikillugit sivisussuseqarsinnaammat.
Saaffissat
Inuttaasut suliffeqarfillu Styrelsi attaveqarfigisinnaavat mailikkut cites@sgav.dk imaluunniit oqarasuaatikkut ataasinngornermi, pingasunngornermi tallimanngornermilu nal. 09:00-12:00 akornanni uunga sianerluni: +45 33 95 80 06.
Styrelse-ip adresserivaa Lerchesgade 35, 5000 Odense C, Danmark.
Styrelse pillugu uani nittartakkami atursinnaavat: Handel med truede arter (CITES)