Akademi-mi ilinniakkat ingerlateqqiguk bachelor-imut
Akademi-mi ilinniagaqarpit, misigisimallutillu suli piginnaasarnik niuernerup iluani, pilerisaarinermi, aqutsinermi, aaqqissussinermi, suleqatigiinnermilu qaffassaanerit naammaginagu?
Imaluunniit akademi-mi ilinniakkakkatit ilaartorusuppigit nutaanik, soorlu ineriartortitsineq, e-business imaluunniit nutaaliorneq? Taava BA Nunat Tamalaat Akornanni Niuerneq, ussassaarinerlu qularnaatsumik ilinnut tulluarpoq.
Akademi-mi ilinniagaq Nunat Tamalaat akornanni niuerneq pilerisaarinerlu pillugit sooq ilinniassavit?
Nunat Tamalaat Akornanni niuerneq, ussassaarinermilu Bachelor ilinnut tulluartuuvoq, ilinnut tunisinermik ussassaarinermillu annertunerusumik ingerlaqqikkusuttumut. Nunani tamalaani, kalaallillu ataqatigiinneranni.
Suliamik ilisimasaqarluarnerup itisileernissaa pillugu, toqqaannaq atorsinnaasumik, kisianni aamma ilinniagaq immikkut ittunik soqutiginartunik toqqarneqarsinnaasunik neqerooruteqarmat.
Ilinniagaq kandidat-itut ingerlaqqinnissamut periarfissiivoq, imaluunniit kandidat-inut ingerlaqqinnissanut sivikillisaanermut atorneqarsinnaalluni.
Qanoq atuartitsineq ingerlasarpa?
Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniartitsinerup ilarujussuaq paasiuminartunngorlugu suliaavoq. Sulianik assersuusiorluni, sammisanillu ulluinnarni pisartunik piusunik aallavilinnik suliaqartassaatit, taamaasillunilu siunissamik suliffigilerumaakkannut piareersarneqassaatit.
Ilinniarnerup ilaa internetsikkut ingerlanneqarsinnaavoq. Kiisalu ilinniarnerup ilaa nunani allani ingerlanneqarsinnaavoq kingornalu merit-innassutigalugu. Suliffimmik misiliineq suliffimmik misiliinissamut akuerisaasimasumi nunatsinni nunaniluunniit allani ingerlanneqarsinnaavoq.
BA Nunat Tamalaat Akornanni niuerneq ussassaarinerlu inuussutissarsiorneq qitiutippaa ukualu atuartitsissutigineqassapput: Niuerneq pilerisaarinerlu, aqutsineq, kattuffiit suleqatigiinnerlu, inatsisilerineq, Aningaasaqarniarneq aamma aningaasalersuineq, periuseq aamma Akimortumik suliniutit, ilinniartitsissutit toqqarneqarsinnaasut (ass. Nutaaliorneq, Niuernermik ineriartortitsineq aamma E-Business, Business Ethics, Kalaallit nunaanni sulinermik aqutsineq)
Sammisat suliffimmik sungiusarnermik ilaqassapput, ilinniagarlu naggaserneqassaaq bachelor-imut sammisamik suliaqarnermik.
BA-mi Nunat Tamalaat akornanni niuerneq pilerisaarinermilu ilinnialerniaraanni suut piumasaqaataappat?
BA Nunat Tamalaat Akornanni niuerneq, ussaassaarinermullu allartissangaanni, ilinniagaq Akademi-mi Nunat Tamalaat Akornanni niuerneq, ussassaarinerlu naammassisimasariaqarpoq.
Akademi-mili ilinniakkamik allamik naammassinnissimaguit, qinnuteqarsinnavutit, tassani sivikillisaaffigineqarnissamik- aammalu piginnaasannik nalilersuiffigineqarlutit.
Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik misilitsinnerusinnaapput, allattariarsornerullutik, sammisamik suliaqarnerullutik, sungiusarnermilu nalunaarusiornerullutik.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniartitsineq qaammammi augustimi aallartissaaq
Neqeroortoq
Niuernermik Ilinniarfik/Grønlands handelsskole
Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit.
Ilinniartut aningaasarsiaanik suliffinni misiliinermi akissarsiaqassaatit, aamma tiimimusiat assigiinngissinnaaput apequutallutik misilittagaqarsimaneq, ukiutit tapisiallu.
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Siunissami periarfissat / Suliffiusinnaasut
Allaffinni sulinissamut periarfissaqassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq
Ilinniarnermik aaqqissuussineq
Uani atuagaaraq aasinnaavat:
https://gbs.gl/wp-content/uploads/2024/05/Studieordning-BA-2024.pdf
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.