Kommune Qeqertallip Qatserisartui ilitsersuisoqarnerulerput

2. maj 2018

 

Kommune Qeqertallip Qatserisartui illoqarfinni qatserisartut ittuinik ilitsersuisutut ingerlatsisinnaasut amerlisarniarlugit pikkorissartitseqqammerpoq piffissami 24. april-imiit 28. april ilanngullugu, taamaalillutik qatserisartut innuttaasullu ikuallattunik akiuiniarnernut qatserisartullu tunngaviusumik pikkorissarneqarnissaannut ilitsersuisut amerlanerulerlutik. Illoqarfinni Kangaatsiaq, Qasigiannguit Aasiaallu qatserisartuisa ittui pikkorissaasutut piginnaasaqarlualersut angallanikkut pissutsit ajornartorsiutaanerat peqqutigalugu Qeqertarsuarmiit peqataasussaagaluartoq anngutinngitsooraluartoq uku inersimasunut atuartitsinermi periutsinik nutaanik piginnaasaqalerlutik allagartartaarput:

Qiperoq Lange Qasigiannguani qatserisartunut ittuugallartoq, Jørgen Møller Aasianni qatserisartut ittuanut tullersorti, Søren Brønlund Kangaatsiami qatserisartut ittuat, Niels Ole Hansen Kommune Qeqertallip Qatserisartuini Upalungaarsimanermut pisortap tullia Aasianni qatserisartunut ittutut inissisimaatigisoq. Pikkorissaasuuvoq Jesper Stenbakken Nordjyllands Beredskab-imeersoq, pikkorissanermi akisussaallunilu oqaluttaavoq Kommune Qeqertallip Qatserisartuini Upalungaarsimanermut Pisortaq David Løvstrøm.