Kommune Qeqertalimmi qilalukkat qernertat pillugit nalunaarut

16. april 2018

 

Ulloq 16. April 2018 aallartiffigalugu sunngiffimmi piniartut qilalukkanik qernertanik piniaqqusaajunnaarput.

Qilalukkat qernertat sunngiffimmi piniartartut pisassaat 8-t nungunneqarput.

 

Qilalukkanut qernertanut akuersissutit sunngiffimminni piniartartut pigisaat 2018-moortut atorunnaarput. Kommunimut utertinneqarsinnaapput aamma igiinnarneqarsinnaallutik.

 

Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 3, 27. januar 2017-imeersumi §10 imm. 4 malillugu imatut allassimasoqarpoq:

 

Kommunalbestyrelsi pisassiissutigineqartunik nakkutilliissaaq, pisassiissutigineqartunik atuineq malittareqqissaarneqassaaq piniarnerlu ingerlaannartumik tusagassiuutinut nalunaaruteqarnikkut unitsinneqassalluni, kommunimut pisassiissutit imaluunniit aqutsiveqarfimmut pisassiissutit tamakkerneqarpata.

 

§ 23 malillugu sunngiffimmi pinartartut qilalugaminernik tuniniaaqqusaanngillat, tunisisinnaanatillu.

 

 

PâviâraK Jakobsen

Inuussutissarsiornermik siunnersorti.

 

Kommune Qeqertalik.