Inatsisartunut qinersineq 2018

Aprilip 24-ani Inatsisartunut qinerseqataaniaruit qinersisinnaasut allattorsimaffianni allanneqarsimassaatit. Qinersinermut allattorsimaffimmiinnerit nalornissutigigukku tamanna takusinnaavat Marts-ip 27-ni 28-anialu.
23. marts 2018

 

Qinersisinnaatitaasut Kommune Qeqertalimmi qinersisinnaanermut allattorsimaffimmi ilaanerlutik paasiniarsinnaavaat martsip 27-ni 28-anilu 2018.

Illoqarfinni nunaqarfinnilu soqutiginnittut tamarmik, allattorsimaffik kommunip allaffianut Sullissivimmut alakkarsinnaavaat.

Kommune Qeqertalimminngaanniit qinersisinnaanermut allattorsimaffimmiinnerlutit misissussavat, ukua akornanniikkuit:

-    Ilinniartut, Kalaallit Nunaannut qaammatit kingulliit arfinillit iluanni uteqqissimasut
-    Innuttaasut marlunnik innuttaassusillit
-    Innuttaasut, qinersisinnaanermut allattorsimaffimmiinnerlutik nalornisut

Kukkunikkut qinersisinnaanermut allattorsimaffimmi nalunaarsorneqarsimanngeria-taassagaluaruit allakkatigut qinersinermi siulersuisunut maalaaruteqarsinnaavutit, kingusinnerpaamik qinersinermut allattorsimaffiup nalunaarutigeqarneraniit ulluinnaat marluk qaangiutsinnagit. Maalaarut uunga nassiunneqassaaq: qeqertalik@qeqertalik.gl

Innuttaasut qinersilluarnissaanik kissaallugit

Qinersinermi siulersuisut
Kommune Qeqertalik