INUTTASSARSIUUTEQQITAQ Sulisoqarnermut pisortamik ataatsimik sulisussarsiorpoq

Kommune Qeqertalik sulisoqarnermut pisortamik ataatsimik sulisoqarnermut inatsisinik ilisimasalimmik sulisussarsiorpoq
Qinnuteqarfissaq:
14. december 2018
Sumi:
Aasiaat
Akissarsiat:
Isumaqatigiissutit malillugit
Kommune Qeqertalik sulisoqarnermut pisortamik ataatsimik sulisoqarnermut inatsisinik ilisimasalimmik sulisussarsiorpoq
 
Kommune Qeqertalik sulisoqarnermut pisortamik, sulisut allaffissorluni sullinnerinik patajaatsumik tunuliaqutalik il il misilittagalimmik, sulisussarsiorpoq. Aqutsisutut misilittakkat. Pisortat sulisoqarnermut immikkoortortaqarfiini sulisimaguit iluaqutaassaaq, soorlu aamma pisortat sulisoqarnermut inatsisaannik ilisimasaqarnissat aamma isumaqatigiissutinik paasinnittarneq atorfimmik inuttaliinissamut soorunami pissusissamisoortumik piumasaqaataassaaq.
 
Sulisoqarnermut pisortap suliassaa siulleq tassaavoq sulisoqarnermut immikkoortortamik ingerlalluartumik pilersitsineq ilusilersuinerlu. Immikkoortortaq atorfinnik sisamanik inuttalersugaasussaavoq sulisoqarnermut pisortaq ilanngullugu. Sulisoqarnermut pisortap aningaasaqarnermut pisortaq qaninnertut pisortaraa, aamma "Inua"-ni ilaassaaq. Inua tassaavoq kommunip  allaffissornikkut qullersaqarfia, ingerlatsivinnik tamanik ikiorsiisartoq. 
 
Atorfik Aasianni inissisimavoq. 
 
Atorfik
Sulisoqarnermut immikkoortortaqarfimmi pisortatut illit ingerlatsiviup tunngavia, isumaqatigiissutit suliffeqarfiullu iluani sulisoqarnermut immikkoortortaqarfimmi suleriaatsit malinneqarnissat akisussaaffigissavatit aamma sulisunut malittarisassat suliffeqarfiullu iluani suleriaatsit pitsanngorsarneqarnissaminnut periarfissaqartillugit pitsanngorsarnissat akisussaaffigissavatit. Pisortatut ilaatigut makkua akisussaaffigissavatit:
 
Sulisoqarnermut immikkoortortaqarfimmik aqutsineq, sulisoqarnermut siunnersortit ilinniagaannik inuttullu ineriartorneri uani ilaapput
Sulisoqarnermut immikkoortortaqarfimmik ilusilersuineq taamaalilluni pingaarnerit siullertut suliniutigineqarnissaat pingaarnerutinneqassapput
Pilersaarusiorneq, ataqatigiissaarineq kiisalu suliffeqarfiup sulisuisa allaffissorluni sullinneqarnerinik inerisaaneq
Inuit ataatsiakkaat suliassartaannik suliaqarneq - atorfinititsinermiit suliunnaarnermut
Ilinniaqqiffissatut akuerisat aamma piginnaasanik inerisaanissamik sammisallit aqunneri
Suliffeqarfimmi atuartut, ilinniartut aamma suliffimmik misiliillutik sulisut aqunneri
Suliffeqarfiup iIuani sulisorinniinnarniarluni siunnersuinerit kiisalu sulilersitsinerit toqqartuinerillu
Sulisoqarnermut immikkoortortaqarfimmit kommunimi aqutsisut tamat sulisut pillugit oqaloqatiginerinik suliaqarneq
 
Immikkut ittumik tunngavilersuisinnaassaguit taakkua ineriartornermi aallartereersumi atorluarneqakutsoorsinnaassapput tassami atorfiup immernera illit sunniinissarnut periarfissaqarluarputit.
 
Naatsorsuutigaarput:
 
Sulisoqarnermut immikkoortortaqarfimmi sulinermik misilittagalik
Pisortat isumaqatigiissutaannik ilisimasaqarluartutit
Naalakkersuinermik suliallit aqutaanni suliffeqarfimmi suliaqarnermik misilittagaqartutit
Kalaallisut danskisullu piginnaasaqarluartutit
Suliffeqarfimmi inuit suleqatigiinneri soqutigisaqarfigalugillu paasisaqarfigissagitit
takorluuisinnaasutit angusaqarniartuusutillu
ajunngitsumik inunnut isiginnittuusutit, ilinnullu tatiginnilersitsisinnaassuseqartutit
 
Taamaattumik makkua piginnaasarissagitit pingaartipparput:
 
Attuumassutilimmik ilinniagaq aamma sulisut allaffissorluni sullinneqarnerinik pitsanngorsaanissamik kajungissuseqarneq
Immikkuualuttup pingaarutaanik paasinnilluni aaqqissuussaasumik suleriaasilik
Oqalullutit allallutillu pitsaasumik oqaasertalersuisinnaaneq kiislau IT-mik atortorissaarutit atorlugit piginnaasaqarluarneq
Suliffeqarfiup iluani sinaakkutinik tamanik takunnissinnaaneq atorlugu nutaaliorusussuseqarneq
 
Neqeroorutigaavut:
 
atorfik namminersorfiusoq suliatigut inuttullu ineriartornissamut periarfissaqarluartoq
suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq
tatigeqatigiiffiusumik pitsaasunik atugaqarluni suleqatigiinneq.
Soqutiginartuni pikkorissaqataaneq ineriartornissamullu periarfissat pitsaasut
Pitsaasumik ilitsersuisinnaasoq namminerlu ineriartoqqinnissamut tapersersuisoq
 
Akissarsiat atorfeqartitaanermilu atugassarititaasut. :
 
Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput. 
 
Atorfik akissarsiat sinaakkutaanni 36-mi massakkut inissisimavoq/ akissaaqartussatut aalajangersagaavoq. Akissarsiat sinaakkutaanni 36-mi akissarsiat immikkoortualuttai aalajangersimasut ulloq 1. april 2018-mi qaammammut kr. 47.541-iupput ukiumullu kr. 570.501-niullutik. Taakkua saniatigut utoqqalinersiuteqalernissarnut immikkoortitsisoqartassaaq.
 
Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqassaaq.
 
Inimik atorfeqarnernut atasumik pisataqanngitsumik innersuunneqarnissarnut malittarisassat qaqugukkulluunniit atuuttut naapertorlugit periarfissaqarputit. Inissiamut innersuunneqartumut maleruagassat qaqugukkulluunniit atuuttut malillugit ineqarnermut akiliummik qularnaveeqqutinillu akiliisoqassaaq. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik.
 
Sulisunit inissiat atorfeqarnerup unitsinneqarnerini qimanneqartassapput. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.
 
Qaammatini pingasuni misiliutaasumik atorfinitsitsisoqassaaq
 
Paasissutissat sukumiinerusut
 
Partner, Birtha Biancomit pissarsiarineqarsinnaapput, birtha@JOB360.gl imaluunniit oqarasuaat +299 545666 aamma/imaluunniit aningaasaqarnermut pisortamut, Hans Jørgen Mørch hjmo@qeqertalik.gl imaluunniit oqarasuaat +299 38 70 03 aamma kommunip nittartagaa aqqutigalugu www.qeqertalik.gl pissarsiarineqarsinnaapput.
 
Qinnuteqaat
 
Ilinniarnivit siornatigullu suliffigisimasavit naatsumik oqaluttuassartai paasissutissiissutigalugit (CV-eq), kiisalu ilinniakkap uppernarsaatai birtha@job360.gl-mut nassiutikkit kingusinnerpaamik 14. december 2018 tigoreersimassavagut. Qinnuteqaatit ingerlaavartumik suliarineqartarput. Qinnuteqarfissap qaangiuteriitsiarnerani atorfinitsitsiniarluni oqaloqatiginninnerit ilimagineqarsinnaapput.
 

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq  kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit:

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit).