Kommune Qeqertalik Qasigiannguani suliaqarfik Inoqarfimmi Majoriaq pisortassarsiorpoq

Qinnuteqarfissaq:
30. november 2018
Sumi:
Qasigiannguit
Ulloq aallartiffik:
1/1-19 imalt. isumaqatigiissuteqarnikkut
Akissarsiat:
Isumaqatigiissutit malillugit
Kommune Qeqertalik Qasigiannguani Majoriaq pikkorissumik tunniusimasumillu pisortassarsiorpoq, 01.01.2019 isumaqatigiissuteqarnikkulluunniit sulilersinnaasumik pissarsiorluni. 
 
Majorissap ilinniartitaanerit, aqqutissiuussinerit, paasititsiniaanerit kommunip ilinniarfeqarfiit Namminersorlutik Oqartussat nalunaarsugaataanik allattuinerit suliarisarpai, inuit inuussutissarsiutigalugu ilinniarfinnit imaaliallaannaq tiguneqarsinnaanngitsut suliffeqarfimmik aallarnisarnerini, ilinniartitaanerit nutaat aallartinnerini ineriartortitseqataasarpoq aamma ilinniarnermut inuussutissarsiornermillu ilitsersuussisarpoq aqqutissiuussisarlunilu.
 
Majoriaq kommunip pikkorissartitsinerani ilinniartitseqqiinerannilu aamma sinaakkusiisarpoq taamaalilluni innuttaasut ineriartortinneqarnerini sulineq ilusilersortarlugu.
 
Inuk Kommune Qeqertalik, inuussutissarsiortut, ilinniarfeqarfiit, Namminersorlutik Oqartussat suleqatigalugit Qasigiannguani Majorissami suli ineriartortumi siuttoorusuttoq sulisorineqarusuppoq.
 
Atorfiup imai
 
Tunngaviusumik aalajangiinermut illit imaattuussasutit ilimasuuteqarpugut
 
Atuagarsornermik ilinniagaqartutit.
Oqaatsinik marlunnik atuisinnaasutit (danskisut/ kalaallisut) aamma oqalunnermi allattariarsornermilu oqaatsinik pitsaasumik atuisinnaaneq.
Atorfimmi assingusumi sulilluni misilittagaqarneq taamatuttaarlu aqutsinermik misilittagaqarneq.
Sulianik aallartitserusussusilik Majorissallu ineriartortinneqarnerani peqataarusussusilik.
Suliaqarusussusilik, sulianik tamanik malinnaasinnaasoq suleqateqallaqqissorlu.
IT-p atortorissaarutaanik atuisutut atuisinnaasoq.
Imigassamik aalakoornartortalimmik aamma aanngaajaarniutinik ajornartorsiuteqanngitsoq.
Pineqaatissinneqarsimannginnermut uppernarsaammik takutitsisinnaasoq.
 
Pingaartipparputtaaq:
 
Aalajaatsoq, pitsaassutsimik pingaartitsisoq immikkuualuttullu ilanngullugit malutsarissoq
Uippakajaarani arlariinnik suliaqarsinnaasoq
Erseqqissumik paasiuminartumillu attaveqartartoq oqaluttariarsornermi allattariarsornermilu
Namminersorluni sulisartoq, akissussaammi suuneranik ilisimaarinnittoq sullisserusussuseqartorlu
Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsaassisartoq 
Ulloq qanorluunniit ulapaarfiutigigaluarpat ukkissilluni aaqqissuussaasumik sulisinnaassusilik
Nukittooq, sulianik aallartitsisinnaanermik takutitsisinnaasoq, nukissaqarluni takutitsisartoq iliuuseqartartorlu
Sulianik aaqqiissutigisartakkatta ingerlaavartumik inerisarneqarnerani pitsanngorsarneqarneranilu peqataasoq
Siammasissumik suleqateqarluarsinnaasoq 
Marluinnik oqaasilik qinnuteqartut (kalaallisut / qallunaatut)  
 
Neqeroorutigaavut:
 
Suliffik unammillernartoq imarisassaanik sunniuteqarfigineqarsinnaasoq suliffeqarfimmilu ineriartortinneqartumi allanngoriartortumilu namminersorluni akisussaaffeqartitsingaatsiartoq.    Suliffinnut suliffimmullu patajaatsumik iseriartuaartitsinissaq pingaartipparput aamma suliffiup iluani silaannaap pitsaasuunissaanik qulakkeerinninnartarpugut aqutsisut qanimut oqaloqatigittarnerat kiisalu sulianik aallartitsinissamut isumassarsiornissamullu inissaqartitsineq atorlugit.
 
Akissarsiat atorfinitsitaanermilu atugassarititaasut:
 
Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.
Ilaqutariit qassinik inoquteqassusaat naapertorlugu pequsersorneqanngitsumik inissaqartitsisoqassaaq, tassunga atasumik malittarisassat qaqugukkulluunniit atuuttut naapertorlugit inigisamut akiliisoqartassaaq.
Atorfininnermi angalaneq aamma pisattat illoqarfigisamit assartorneri malittarisassat atuuttut naapertorlugit suliffeqarfiup akilissavai. Ataavartumik atorfininnerup kingorna soraarnermi angalaneq pisattallu angallanneqarneri suliffeqarfiup akilissavai. Katissimasaq/ inooqat angalaqataasoq kiisalu meeqqat 18-t inorlugit ukiullit aamma akiliunneqassapput.
 
Atorfinitsitsineq pinerluuteqarsimanermut kiisalu meeqqanik pinerliisimannginnermut uppernarsaatinik naammaginartunik peqarnissamik piumasaqaatitaqarpoq. Taakkua atorfinititsisussamit pissarsiarinniarneqassapput
 
Atorfik inissaqartitsivoq, inatsisit atuuttut naapertorlugit innersuussisoqassaaq.
 
Qinnuteqartoq pinerliisimannginnerminik uppernarsaammik qinnuteqarnermini takutitsinissaminut piumasaqarfigineqarpoq
Piffissaq qinnuteqarfissaq: 30/11-2018
Atorfininneq: 01/01-2019 isumaqatigiissuteqarnikkulluunniit.  
Sulinerup sivisussusaa: Piffissaq suliffiusussaq tamakkerlugu
Suliffiup inissisimaffia: Majoriaq Qasigiannguit
Paasissutissat amerlanerit uani pissarsiarineqarsinnaapput: Qasigiannguani Inoqarfiup pisortaa attaveqarfigalugu
+299 38 71 45