INUTTASSARSIUUTEQQITAQ Kangaatsiami Meeqqerivik pisortamik aammalu tullersortimik pissarsiorpoq

Kommune Qeqertalik, Kangaatsiaq, meeqqerivik “Qupannaat”-mi pisortassarsiorpoq aammalu pisortamut tullersortimik pissarsiorpoq.
Qinnuteqarfissaq:
30. september 2018
Sumi:
Kangaatsiaq
Ulloq aallartiffik:
1/11 imlt. isumaqatigiissuteqarnikkut
Akissarsiat:
Isumaqatigiissuti malillugit
01. nov. 2018 imaluunniit isumaqatigiissuteqarnikkut atorfinittussamik pissarsiorpoq.
 
Ulluunerani meeqqerivimmi nalinginnaasumik atuuttut:
 
Meeqqerivik Qupannaani init pingasuupput  inillu pingasunik aalajangersimasunik sulisoqarput, meeqqanut immikkoortortanut ataatsimoortunut, meeraaqqerivimmi immikkoortortanut ataatsinut 12-nik meerartaqartarpoq, meeraaqqeriviullu aappaani 12-nik meerartaqarluni, meeqqerivimmi  meeqqat 20-iupput.
Ulluunnerani paaqqinnittarfiit ammasarput nal. 07.00-miit 17.00-imut – arfininngornikkut matoqqasarput.
Meeqqerivimmi ingerlatsineq INUIT Immikkoortortaqarfiup ataani inissisimavoq aammalu perorsaanermut ataqatigiissaarisoq attaveqaataasarluni.
 
Qinnuteqartoq makkuninnga pisinnaassuseqassaaq:
 
Perorsaasutut ilinniagaqarsimasuunissaq, akisussaassuseqarnermik misigisimaneq, eqeersimaartuuneq piumassuseqarneq, arajutsisaattuuneq, puullaaqinartunik eqqissilluni qaangiisinnaassuseqarneq, tamatigoortuuneq, suleqatigiuminartuuneq qanilaarnerlu kiisalu aalajaatsuuneq. Timikkut tarnikkullu peqqissuuneq, piareersimanissarlu paaqqinnittarfiup anguniagai iliuuserisassatullu pilersaarutai naapertorlugit sulinissaq.
Qinnuteqartoq Kalaallisut Qallunaatullu pisinnaasaqarnissaa piumasarineqarpoq.
Atorfimmut tunngatillugu sulisoqarnikkut aqutsisinnaanermut misilittagaqartuussuutit allaffissornermilu misilittagaqarlutit.
 
Akissarsiat – atorfinitsitaaneq – najugaqarneq:
 
Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu malillugit ingerlanneqassaaq. Peqatigiiffinnillu isumaqatigiinniarsinnaatitaasut atuuttut naapertorlugit.
Atorfimmut inissaqartitsisoqarpoq, malittarisassat atuuttut malillugit ineqarnermut akiliisoqartassalluni.
Atorfimmut paasissutissat erseqqinnerususut pissarsiarineqarsinnaapput uunga saaffiginninnikkut: Meeqqerivimmi pisortaagallartumut Thora Petersen-imut thpe@qeqertalik.gl 87 21 45. imalt. Illoqarfimmi Sullissivinni pisortamut Ane Grethe Filemonsen agfi@qeqertalik.gl oqarasuaat 387101 tlf. 701900. 
Pisortatigoortumik pillangaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.
 
Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit ilanngullugit kingusinnerpaamik 30.09.2018 tinguneqariissapput:
 
Email-ikkut Imaluunniit allakkatigut uunga: 
 

Kommune Qeqertalik Kangaatsiaq
Sullissivik Kangaatsiaq
Postboks 80
3955  Kangaatsiaq 
 
imaluunniit e-mailikkut: kangaatsiaq@qeqertalik.gl