Qeqertarsuarmi suliassaqarfimmi INUIT, Pisortanit Ikiorsiisarnermut Sullissisumik pissarsiorpoq

Kommuni Qeqertalik Qeqertarsuarmi Pisortanit Ikiorsiisarnermut Sullissisumik pissarsiorpoq 1. september 2018 imaluunniit  isumaqatigiissuteqarnikkut atorfinittussamik.
Qinnuteqarfissaq:
24. august 2018
Sumi:
Qeqertarsuaq
Ulloq aallartiffik:
1. september 2018
Akissarsiat:
Isumaqatigiissutit malillugit
Inunnik isumaginninnermut sullissivimmi sulisut allat qanimut suleqatigissavatit, inunnik isumaginninnermut sullissivimmi aqutsisoq qaninnertut qullersarissallugu.
 
Suliassaqarfiit akisussaaffiillu ilaatigut makkuussapput:
 
Innuttaasut pisortanit ikiorserneqarusullutik saaffiginnittut aningaasaqarnerisa misissuiviginerat kiisalu aningaasaqarnikkut siunnersornissaat
Aningaasaqarnikkut misissuineq tunngavigalugu pisortanit ikiorsiissutinik tunisisoqassanersoq aaliangiiffigisarlugu, suliaqarfiup iluani aaliangersakkat tunngavigalugit.
Innuttaasunik aningaasaqarnikkut siunnersuineq
Innuttaasoq peqatigalugu iliuusissaanik pilersaarusiorneq
Innuttaasut pisortanit ikiorsiissutinik pisartut malinnaaffigalugit
Pisortanit ikiorsiissutinik pisartagaqarnissamut aningaasatigut piumasaqaataasunik suleriaatsinillu malitsitsinermut  qulakkeerinneqataassaatit. 
Pinasuartumik ikiortariallit sullikkasuarlugit
Siusinaartumik utoqqalinersiuteqalernissamut qinnuteqartunik sullissineq
Utoqqalinersiutillit saaffiginnissutaannik sullissineq
Pisortatigut ikiorsiisarneq pillugu nunaqarfimmi suleqat suleqatigalugu
Erninermut atatillugu sulinngiffeqarniartut saaffiginnissutaannik ingerlatitseqqiineq
Suliffissarsiorlutik naqitsittartut sullinnerini Inunnik isumaginninnermut sullissiviup qanimut suleqatigisartagaanik akimortumik suleqatiginnissinnaassuseqarneq
 
 
Piginnaasat:
 
Isumaginninnermut Siunnersortitut ilinniarsimaneq imaluunniit inulerinermik assingusumik ilinniarsimaneq
Isumaginninnermut sullissivimmi aningaasatigut sullissinermik misilittagaqarneq
Tulleriissaarisinnaaneq, tatiginassuseqarneq aamma maligassiuisinnaaneq
Sullitanut attaveqarluarsinnaaneq attavigiuminartuunerlu
Atorfeqartussap tarnikkut nukittunissaa piumasaqaataavoq
 
 
Akissaatit atorfininnermilu atugassarititaasut: 
 
Akissarsiaqartitaaneq atorfininnermilu atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
 
Atorfimmut atatillugu inissaqartitsisoqarpoq inatsisit atuuttut naapertorlugit. 
 
Pinerlussimannginnermut uppernarsaat aamma meeqqanik pinerliisimannginnermut uppernarsaat naammaginartoq pigineqassasut atorfininnissamut piumasaqaataavoq. Meeqqanik pinerliisimannginnermut uppernarsaat atorfinitsitsisumit Naalagaaffiup politiivinut (Rigspolitiet), qinnuteqartup atsiorluni akuersineratigut piniarneqassaaq, pinerlussimannginnermut uppernarsaat qinnuteqartup nammineerluni piniassavaa atorfinitsitsisunullu tunniullugu.
 
Atorfik pillugu paasissutissat allat Qeqertarsuarmi Inunnik isumaginninnermut sullissivimmi aqutsisumut Nivi Enoksen-imut oqarasuaat 38 72 14 imaluunniit e-mail nien@qeqertalik.gl atorlugu saaffiginninnikkut piniarneqarsinnaapput.
 
Qinnuteqaat ilinniarsimanermut uppernarsaatit il.il. assinginik ilalik siusinnerusukkullu sulerisimanermik paasissutissartalik HR-eqarfimmut kingusinnerpaamik ulloq 24. August 2018 tunniunneqareersimassaaq.
 
 
Qinnuteqaat uunga nassiunneqassaaq:
Kommune Qeqertalik
Postboks 513,
3953 Qeqertarsuaq
 
Imaluunniit e-mail: qeqertarsuaq@qeqertalik.gl